Prencipia o mundial de Formula 1 con victoria de Button

Os equipos McLaren y Red Bull dominaron a corrida

Jenson Button (Foto: Filipe Moura)
Jenson Button (Foto: Filipe Moura)

O mundial de Formula 1 prencipió con a victoria de Jeson Button (McLaren) en o circuito australiano de Albert Park. Dimpués de una sobrebuena salida dende a segunda posición, se metió primer, puesto que ya no deixó dica rematar as 58 vueltas t’o circuito.

Dimpués d’ell, Vettel (Red Bull) y Hamilton (McLaren) completoron o podium. Os dos equipos, McLaren y Red Bull contrimostroron que, por agora, son os más rapedos sobre a pista y qui tienen más posibilidatz de ganar o mundial. Manimemos, a diferencia entre os dos ye muito más chicota que no l’anyada pasada quan dengún no podeba contimparar-se con os totpoderosos Red Bull.

En o 37º chiro se vivió un d’os intes más emocionants, quan Vitaly Petrov estricalló o suyo Lotus y habió de salir t’a pista o safety car. En ixe inte, Vettel aprofeitó ta meter-se segundo con una chugada estratechica.

A resta de pilotos en puntuar estioron Webber (Red Bull), Alonso (Ferrari), Kobayashi (Sauber), Raikonnen (Lotus), Pérez (Sauber), Ricciardo (Toro Rosso) y Di Resta (Force India).

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.