Prencipia un macrochuicio en Turquía contra más de 200 personas vincladas a o movimiento kurdo

Os procesaus son acusau d'asociación ilegal a traviés d'o KCK, que l'Estay turco considera o brazo urbano d'o PKK.

Ragip Zarakolu (Foto: Pen Anglés)

Ragip Zarakolu (Foto: Pen Anglés)

Turquia prencipió o martes a chuzgar a 205 personas acusadas de perteneixer a la Unión de Comunidatz d’o Kurdistán (KCK, por as suyas siglas en kurdo), una organización kurda que l’Estau turco acusa d’estar o brazo urbano d’a guerrilla independentista d’o PKK. En o proceso se chuzgarán decenas de miembros d’o Partiu d’a Paz y a Democracia (BDP), a formación que representa os intreses d’o Kurdistán en o Parlamento de Turquía.Tamién i serán chusgaus personas destacadas d’a vida academica y asociativa de Turquía. Entre istos nombres bi ye Ragip Zarakolu (activista turco que s’ha significau en a esfensa d’os dreito humans y d’os dreitos d’os puebloss minorizaus y que estianyo estió proposau ta recibir o premio Nobel d’a Paz), Büsra Ersanh (profesora d’a Universidat de Marmara y asesora d’o BDP en a demba d’o dreito consitucional y Ayse Berktay (traductora y activista prodreitos humans). Os tres estioron engarcholaus en l’octobre de l’anyada pasada, encara que Zarakolu estió liberau o pasau abril.

O PEN Internacional, que ye cursirando os acontecimientos bien amán, s’ha amostrau preocupau por as conseqüencias d’o chuicio y ha sinyalau que o proceso ha debantau muitas voces criticas, que lo viyen como una “ofensiva contra depeixas periodistas, escritors, editors y advogaus con simpatías kurdas”  En una linia parellana, Reporters sin Mugas considera que o chuicio mira de “criminalizar a libertat d’expresión

D’a suya man, a copresidenta d’o BDP, Gültan Kisanak, Citada por Firat News, ha dito que o chuicio ye “una carnecería politica” contra o movimiento kurdo. A lider d’o BDP considera que o suyo partiu ye sufrindo una “represión de lei marcial” pero que, a tamás d’ixo, continará esfensando o dreito ” a fer politica democratica”.

O chuicio ha prencipiau con una fuerte polemica lingüistica, seguntes explica Reuters. O tribunal ha refusau a demanda d’os advogaus d’os kurdos de disposar d’interpretes ta que os procesaus podesen charrar en ista luenga. Un d’os advogaus, Ercan Kanar, ha dito que viedar charrar en a kurdo en o tribunal suposa “o refús d’o dreito human más alazetal: charrar y esfensar-se en a luenga que charras millor: a tuya luenga materna”.

Fuent: http://www.nationalia.cat/ca/noticies/1174

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.