Prencipian 11 diyas de vada en Casting-Ros en Utriellas

A falta d'alcuerdo entre o comité y a dirección d'a interpresa de components de l'automobil leva a la convocatoria d'una vada de 11 diyas

No i ha habiu alcuerdo entre o comité d’interpresa y a interpresa en o SAMA (Servicio Aragonés de Mediación y Arbitrache) por o que s’ha convocau a la plantilla de Casting-Ros a fer vada mientres once diyas. A interpresa decidió d’externalizar en atra interpresa (Lauserint) o servicio de mantenimiento, o qual afecta a 42 treballadors.

Dende o comité d’interpresa se proposaba que Lauserint se fese cargo d’a chestión de l’aria de mantenimiento, amás de compromisos de no mas extrenalizacions y guarancia de treballo t’a plantilla actual. Amás se demandaba un periodo d’adaptación ta que os treballadors voluntariament decidisen pasar-se t’a nueva interpresa y conservación d’o puesto de treballo ta qui no acceptasen as condicions. Casting-Ros no ha quiesto fer garra proposa, seguntes o sindicato CCOO.

Seguntes o comité d’interpresa, a externalización podría ixamplar-se a atros departamentos, amás d’a voluntat d’a interpresa de reducir a plantilla d’os suyos 307 treballadors a menos de 250, con o que amás, supondría una reducción drastica d’os miembros d’o comité -de 13 a 9- y, en conseqüencia, restar fuerza sindical a os treballadors”.

CCOO advierte de que a interpresa leva a la vada a la plantilla y que a dirección d’a fabrica “se fa tamién responsable directa d’as conseqüencias, debant d’a falta de voluntat negociadora demostrada”.

Afectaus por as externalizacions mantienen una acampada de protesta debant d’a siede d’a interpresa de fabricación de components de l’automobil.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.