Prencipian a sacar os arcos en as Murallas de Zaragoza

Mientres o proceso, de bells diyas, quedará trancau t'o trafico o carril de Manifestación ta Echegaray y Caballero

Muitos ciudadans se i amanan a alparciar (Foto: Tamara Marzo)

Muitos ciudadans se i amanan a alparciar (Foto: Tamara Marzo)

Aintro d’o proceso d’esvielle d’os arredols d’as murallas zaragozanas y d’a ilesia de Sant Chuant d’os Panetz, iste martes han prencipiau as obras ta sacar os quatre arcos que bi ha dezaga d’a estatua de Cesar Augusto. En primeras se sacarán os tres arcos más chicotz, con forma de portico, ta lo que se tallará a viga superior con filo de diamant. En que se talle, una grua sacará la viga y se sacarán las columnas.

Mientres iste proceso, que se prolargará bells quantos diyas, se zarrará t’o trafico o carril que va dende a carrera Manifestación dica Echegaray y Caballero. As carreras Manifestación y Salduba continarán ubiertas, encara que s’achiquirá a suya amplaria y talment en bell inte calga tallar o trafico, en as maniobras más delicadas d’as obras.

En rematar ista fase, se sacará l’arco más gran. En qualsiquier caso, Tramvías de Zaragoza asegura que mientres toda la Semana Santa, no bi habrá obras en ixa parti y se guaranciarán as procesions. Pendendo d’o ritmo d’obras, o zaguer arco se podría sacar dimpués d’as fiestas.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.