Prencipian as actividatz previas d’Espiello 2013

Iste viernes 15 empecipian as actividatz previas a Espiello, XI Festival Internacional de Documental Etnografico de Sobrarbe en muitas localidatz d'a redolada

seduit-per-valls-i-cims

Seduit per valls i cims / Seducido por valles y cimas. Fotografies / Fotografías de Juli Soler i Santaló (1865-1914)

A poco mas d’un mes ta que prencipie “Espiello, XI Festival Internacional de Documental Etnográfico de Sobrarbe”, o viernes 15 de marzo s’ubre o ciclo de “Actividatz previas” d’o certamen con una doble cita.

A Casa d’a Cultura de Boltanya acullirá, a las 19.30 horas, a presentación d’o volumen II de “Seduit per valls i cims / Seducido por valles y cimas. Fotografies / Fotografías de Juli Soler i Santaló (1865-1914)”, con a presencia d’o suyo autor José Luis Acín Fanlo, investigador y director d’o Centro d’o libro d’Aragón, y de Chusé Aragués, responsable de publicacions de PRAMES.

Ista presentación s’enmarca en o calandario d’actividatz organizadas por o Centro d’Estudios de Sobrarbe (CES), que tendrá continuidat o 6 d’abril con a conferencia sobre as “Piedras rituals en l’Alto Aragón”, que pronunciará  o documentalista y etnografo Eugenio Monesma. Con a prochección de “Orosia” (1943) d’o cineasta aragonés, Florián Rey, que será comentada por o cofundador d’o Festival Internacional de Cine de Uesca, Ángel Garcés, o 13 d’abril se meterá fin a las actividatz programadas por o CES.

Procheccions de titols galardonaus en 2012

Antiparti, a Comarca de Sobrarbe, en colaboración con os concellos que lo demandan, ufre a posibilidat de veyer os documentals ganadors d’a zaguera edición. O viernes, en a Sala de Chuntas d’o Concello d’A Espunya se prochectará, a las 22.00 horas, “Dimanche à Brazzaville”, d’Enric Bach y Adrià Monés (Accesit Especial Espiello 2012 por a suya mirada crebadora y innovadora d’Africa).

O viernes 22 i habrá doble sesión, en A Buerda y en Plan, localidatz en as qualas se pasará “Dreaming Nicaragua” de Marcelo Bukin (Premio Espiello Boltanya 2012 a o documental mas votau por o publico). En A Buerda se prochectará a las 19 horas en o Salón d’Actos d’o concello y en Plan, a las 20.00 horas en o Salón social municipal. O sabado 23, o salón d’actos de Broto presentará “Nabusímake, Memorias de una independencia”, d’Amado Villafaña Chaparro (Premio Espiello Pirineus 2012 a o millor documental de tematica de montanya). O sabado 30, en o CEDAS de L’Abizanda se pasará a las 20.00 horas “Dreaming Nicaragua”, titol que tornará a prochectar-se en L’Aínsa o 5 d’abril a las 20.00 horas en a Sala d’Exposicions d’o concello. O viernes 12 d’abrilWhat has to be photographed!” d’Irina Linke (Accesit Especial Espiello 2012 por a suya anvista contemporania d’a investigación etnografica y por a significación cultural d’a imachen) s’exhibirá en A Buerda a las 19.00 horas.

O domingo 14 d’abril, con “Una casa para Bernarda Alba”, de Lidia Peralta (Premio Espiello Rechira 2012 a o millor treballo d’investigación), que se prochectará en o Concello de Bielsa a las 18.00 horas, se darán por concluyidas as “Actividatz previas” d’Espiello, XI Festival Internacional de Documental Etnografico de Sobrarbe.

Actividatz en o salón d’actos d’a Casa d’a Cultura de Boltanya:

Viernes, 15 de marzo a las 19.30 horas

Presentación d’o volumen II de “Seduit per valls i cims / Seducido por valles y cimas. Fotografies / Fotografías de Juli Soler i Santaló (1865-1914)”, con a presencia d’o suyo autor José Luis Acín Fanlo, investigador y Director d’o Centro d’o libro d’Aragón, y de D. Chusé Aragués, responsable de publicacions de PRAMES.

Julio Soler Santaló estió un pirineista no nomás adedicau a retratar montanyas. Como miembro d’o Centro Excursionista de Catalunya, as suyas fotografías y articlos, muitos d’ells publicaus de forma postuma, ofreixen una interesant visión, en iste volumen, sobre as vals pirinencas aragonesas, no nomás dende l’aspecto cheografico, con interesants anvistas dentro d’as suyas fotografías, soque tamién imachens d’actividatz y ritos – por eixemplo, a procesión en Chistau – d’a epoca, estando imachens coetanias a las de Lucien Briet.

Sabado, 6 d’abril a las 19.30 horas

Conferencia sobre as “Piedras rituals en l’Alto Aragón”, a cargo de D. Eugenio Monesma, documentalista y etnografo.

Continando a labor encetada por Manuel Benito Moliner, Eugenio Monesma recorre l’Alto Aragón inventariando y replegando tradicions arredol de piedras, que por as suyas formas, naturals u alteradas por l’hombre, estioron relacionadas con determinaus rituals, en qualques casos vinclaus a la fertilidat.

Sabado, 13 d’abril a las 19.30 horas

Prochección d’a cinta “Orosia” dirichida por Florián Rey en 1943, comentada por D. Ángel Garcés Santos, cofundador d’o Festival Internacional de Cine de Uesca. Con a colaboración d’a Filmoteca de Zaragoza.

“Orosia”. En un lugar de l’Alto Aragón van a fer casorio os hereus d’as dos familias mas importants d’o lugar. Un individuo, que estió o mas pendenciero d’o lugar, plega de tornar-ie y ta aduyar a un amigo, antigo pretendient d’a novia, fa con iste un plan ta empachar a voda. Inspirada en a obra teatral “La última ronda” de Manuel Soriano Torres en colaboración con Mariano Bolaños.

Fuent: http://arainfo.org/2013/03/comienzan-las-actividades-previas-de-espiello-2013/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.