Prencipian as fiestas de Parque Goya

Dica o 3 de chunio, en o vico zaragozano bi habrá borina, actividatz y reivindicacions.

cartelYa ye tot presto ta que prencipien as fiestas d’o vico zaragozano de Parque Goya. Istas son aintro d’as Fiestas de ACTUR-Rey Fernando y se celebran dende o 25 de mayo dica o 3 de chunio. O programa se puet descargar dende a web de l’asociación de Vecins Parque Goya.

En ista edición s’han introduciu cualques actos endrezaus t’o publico choven que cada vegada bi’n ha mas en o vico: una tarde choven, con tallers y exhibicions, una Olimpiada choven con un triatlon y un concierto d’a colla de rocj Catorce Días. Contina, como en anyadas anteriors, una ampla programación t’a catrinalla, que o suyo plato fuerte será o concierto de Raspa de Gato, como rematadera de fiestas. S’enampla, antimás o numer de nueitz con discomovil, ya que en ista anyada en son tres pillando os dos cabos de semana. Atros cambio important ye o traslau de quasi totz os actos d’a segunda fase d’o vico t’a Plaza Poesía, dezaga d’o Centro de Salut. En a primer fase, i remanen os actos en a plaza Tauromaquia. Atras novedatz en a programación son os concursos de tortiella de trunfas y de postres caseros, un concierto de la coral Voces de Goya, un tallers de dj’s y una actuación de malabars y clown.

En a demba d’a reivindicación se ferán tres fotos protesta aprofeitando os momentos que más chent i va ta denunciar as faltas principals de Parque Goya. Se meterán tres lemas principals “Por una EDUCACIÓN  de calidat en Parque Goya”, “Con a SALUT no se chuga” y “Más EQUIPAMIENTOS CULTURALS en Parque Goya”.

 

Fuent: http://arainfo.org/2012/05/todo-listo-para-las-fiestas-de-parque-goya/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.