Prencipian as rutas ta viyer as grudas en a Laguna de Gallocanta

L'actividat tien como obchectivo que os visitants veigan de traza respetuosa la plegada d'as grudas ta Gallocanta

Bellas grudas en l'entorno de Gallocanta

Bellas grudas en l’entorno de Gallocanta

Dica 100.000 grudas pueden pasar por Gallocanta en tongadas sucesivas, entre os meses de octobre y aviento en a suya migración dende o norte d’Europa dica la Peninsula Iberica en o clamau “paso postnupcial”. Tot un espectaclo natural que i amana a buena cosa de visitants que se miran a plegada de uns bandos y a marcha d’atros.

Por ixo, o Centro de visitants d’a Laguna de Gallocanta d’o Gubierno d’Aragón, enampla mientres istos meses o suyo calendario de ubrir, que d’ista traza remane disponible de martes a domingo, como punto clau d’información meyoambiental arredol d’iste fenomeno natural.

Antimás, o Departamento de Meyo Ambient organiza mientres os cabos de semana de noviembre y aviento gambadas guidadas ta totz os publicos que se fan totz os sabados, domingos y festivos, entre l’uno de noviembre y l’uno de aviento y totz os diyas entre o 3 y o 9 d’aviento. L’actividat se programa en turnos de maitins, a las 11.00, y de tardes, a las 15:30. Surte dende o Centro de Visitants d’a Reserva Natural d’a Laguna de Gallocanta y dura tres horas.

A ruta marcha, en vehiclo particlar, por a Zona Periferica de Protección d’a Laguna de Gallocanta, y bi inlcuye a visita de buena parti d’os observatorios d’a Laguna, a on que se podrán viyer as grudas, entre atras aus, con prismaticos. L’actividat ye de baldes y t’apuntar-se-ie cal fer una inscripción escribindo ta centrosdeinterpretacion@sarga.es.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.