Prencipian as XVII chornadas d’economía solidaria

Mientres toda a semana, se debatirá sobre modelos socioeconomicos alternativos

Cartel XVII JornadasCon a charrada “Ruralizar a economía y campesinizar a planeta” de Gustavo Duch Guillot, han prencipiau hue as XVII chornadas d’economía solidaria que organiza todas as anyadas REAS Aragón (Rete d’Economía Alternativa y Solidaria). En ista edición o lema esleixiu ta centrar as chornadas ye estau ‘Ye hora de blincar’, con lo que a organización quier convidat a ‘no callar, a no deixar-se chelar por a medrana y, más que ´más a actuar’.

Mientres a semana s’han planteyau quatre charradas que se ferán en o Centro Joaquín Roncal (Carrera Sant Braulio 5-7, Zaragoza). O martes a charrada ‘Una banca etica cooperativa t’o 2013’ será a segunda charrada. L’actualidat europea plega o miercols con a charrada ‘Grecia:no debemos, no pagamos’. O chueves ye tiempo de cine con a presentación de ‘Interferencias’ o primer film de ficción con licencia Creative Commons. Todas as charradas se podrán viyer via streaming en directo ta qui no pueda ir-ie u no siga de Zaragoza.

O local d’a librería Pantera Rossa (Carrera Sant Vicent de Paul), acullirá tamién tallers martes, chueves y viernes dende as 17:00. Videoactivismo, accions contra a deuda externa u un chuego sobre finanzas eticas son as suyas proposas.

O sabado rematarán as chornadas salindo t’a plaza Sant Bruno. Mientres tot lo diya se i ferán arrienda actividatz prestas por as diferents entidatz d’o REAS y d’a economía alternativa y solidaria. A plaza d’emplirá de puestos a on que se podrá conoixer a faina que fan as cooperativas y treballadors embrecaus en ista mena de modelos socioeconomicos. Bi habrá tamién teyatro y animación endrezada ta chent de todas as edatz y , de nueitz un concierto con as collas aragonesas Les Bartöls, Gena, KBKS y Maut. Lo programa y la traza d’apuntar-se t’os tallers se puet consultar en iste vinclo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.