Prencipian os cursos d’aragonés en Uesca y Zaragoza

As asociacions tienen tot presto ta encetar os cursos que ufren

L'alumnalla fendo un examen (Foto: Nogara)

L’alumnalla fendo un examen (Foto: Nogara)

Os meses de setiembre y octobre son, por un regular, os que aprofeitan as asociacions ta publicitar os cursos y ir apuntando-ie a toda l’alumnalla que aprenderá aragonés en o curso 2012-2013. En Zaragoza y Uesca, prou que sí, pero tamién en muitos lugars d’Aragón y mesmo difuera, como en Barcelona.

Consello d’a Fabla prencipia hue os suyos cursos en dos rans, que se ferán en a siede que tien ista asociación en l’Avenida d’o danzants de Uesca. Os cursos se fan en horario de tardes, dende as 20:00 y o suyo mayestro será Chuse Inazio Navarro.

En Zaragoza, Fablans de l’aragonés, qui son celebrando ista anyada o suyo 30 cabo d’anyo con una exposición, tamién ferá empecipiar os cursos suyos mientres ista semana. Ista asociación, con siede en o numer 112 d’o Coso, ufre cursos de primer y segundo ran entre semana y os sabados de maitins. L’Asociación cultural Nogara, d’atra man, no prencipiará os cursos suyos dica la semana d’o 5 de noviembre, encara que o diya 26 d’octobre ferán una brenda a on que se ferá a entrega de titols a l’alumnalla d’o curso pasau y a devantadera d’o present. Os horarios encara no son decidius pues penden d’a disponibilidat de l’alumnalla y o profesorau. L’A.C. O trango completa a ufierta zaragozana con un curso en a casa d’a chovenalla Universidat, muito amán d’o Campus Universitario de Sant Francho. As clases se ferán os viernes de 19:00 a 21:00.

3 Rispuestas a Prencipian os cursos d’aragonés en Uesca y Zaragoza

  1. Pingback: Prencipian os cursos d’aragonés en Uesca y Zaragoza | AraInfo | Achencia de Noticias d´Aragón

  2. Muchas gracias por esta información.
    Lamentablemente, tanto Ligallo como Nogará están confeccionando sus horarios de cursos todavía. Sería muy interesante que retomaseis el tema cuando estuvieran ya confeccionados e incluso ofrecieseis un enlace directo en algún sitio
    Un saludo
    A.S.

  3. Claro que si, biba o fomento de l’aragones que parixe que no tenemos atra luenga mas que o castellán.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.