Prencipian os examens de Selectividat en Aragón

Son 5.346 os estudiants en Aragón que se concaran con istas pruebas ta acceder a estudios universitarios dende o Bachillerato.

Campus Pza. S. Francisco, Universidat de Zaragoza

Dende hue, 5.346 estudiants aragoneses que han aprobau o Bachillerato s’examinarán en as Pruebas d’Acceso a la Universidat (PAU), a conoixida Selectividat, dica iste chueves. Ista anyada i ha habiu un chicot incremento d’alumnalla, unos 200 alumnos mas que se i examinarán. D’istos estudiants, 885 son d’a provincia de Uesca, 524 de Teruel y 3.937 d’a de Zaragoza. Ista anyada n’i hai siedes en Uesca, Chaca, Balbastro, Teruel, Alcanyiz, Calatayut y Zaragoza. Os resultaus podrán conoixer-se dende o diya 20 de chunio, tanto es os Institutos d’Educación Secundaria como en a Universidat de Zaragoza.

Ista anyada os estudiants habrán de fer frent a la puyada de tasas universitarias, amás de nuevos requisitos ta consiguir una beca, como tener una nota meya de minimo un 5,5, en cuenta d’un 5 como dica agora, midas que se veyen con preocupación en a Universidat, por considerar-las “excluyents” t’os estudiants por causas economicas.

Amás d’a estudiantalla que acceda por ista vía a la universidat, cal adhibir-ie as personas que han feito a prueba d’acceso de mayors de 25 y 45 anyos, titulaus universitarios, personas con mas de 40 anyos y experiencia profesional, amás d’os estudiants de Formación Profesional Superior.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.