Prencipian os treballos ta recuperar as pinturas murals en a ermita de El Tremedal de Tronchón

T'a primavera ye previsto que se pueda viyer a decoración mural orichinal d'a cupula.

imagenes_ermital_El_Tremedal_1d6c7591Ista semana son prencipiando los treballos de restauración d’as pinturas murals d’a ermita El Tremedal d’o lugar de Tronchón (Mayestrato). L’actuación ye aintro d’o programa d’obras t’amillorar y rehabilitar espacios patrimonials historicos que fa o Gubierno a traviés d’o Plan Impulso.

Os treballos se son fendo con l’aduya d’a Fundación Santa María d’Albarración y permitirán recuperar a decoración mural orichinal amagada en a cupula. Ta ixo se’n sacará o blanquiau y os repintaus, antimás de prencipiar os treballos ta bastir y estabilizar istos murals ineditos.

Ista obra tendrá una financiación total de 50.000 euros y ye previsto que remate ta prencipios de primavera. A ermita estió declarada Bien d’Intrés Cultural en 2002, en a categoría de Monumento. Ye una construcción de estilo neoclasico d’a fin d’o sieglo XVIII.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.