Prencipio d’alcuerdo en o conflicto d’a hostelería

Se desconvoca a vada d'a nueit de cabo d'anyo. O martes se sinyará l'alcuerdo finitivo

A nueit de cabo d’anyo no bi habrá vada, si se plega a sinyar l’alcuerdo que han feito treballadors y interpresarios d’o sector d’a hostelería. A Dirección Cheneral de Treballo d’a D.Ch.A. ha conseguiu un prencipio d’alcuerdo ta que no bi haiga vada a zaguer nueit de l’anyada.

A proposa estió sinyada primer por os treballadors y, encara que a patronal no lo fació en un primer inte, o viernes decidió de sinyar-lo. L’alcuerdo cuanto a os chornals, que yera o zaguer problema, se resolvió con una puyada de 0,25% en as tablas de 2011 y d’o 2,5% en as d’o 2012.

Iste alcuerdo ye estau posible dimpués de fuertes protestas de man d’os treballadors de hostelería y de que se encerrasen en a siede de HORECA. O martes 27 habrá de sinyar-se l’alcuerdo que meterá fin a iste conflicto.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.