Preocupación por a escalada de violencia entre Israel y Palestina

Bells mandatarios internacionals demandan contención a las dos partes. O primer ministro echipcio visita huei Gaza en sinyal de solidaridat con os palestinos

A tensión permanent entre Israel y Palestina ha tornau a esclatar ista semana y ha desencadenau un intercambio belico con una operación de l’exercito israelí en a Francha de Gaza y o lanzamiento de cohetes ta Tel-Aviv dende territorio palestino.

A escalada violenta preocupa muito a la comunidat internacional. Qualques mandatarios han demandau contención y una apuesta clara por a paz a todas dos comunidatz.

Hue, o primer ministro echipcio, Hisham Kandil, ha visitau Gaza ta contrimostrar a suya solidaridat ent’os palestins y ha demandau un alto o fuego decamín.

Tres cohetes disparaus ahiere dende Gaza cayoron sobre Tel Aviv y cercanías. Os dos primers fuoron a quince kilometros d’a ciudat israelí, y o tercer cayó en o puerto de Jaffa, pero no i habió ferius. As sirenas d’alarma sonoron por primer vegada dende a guerra d’o Golfo d’o 1991. Mientres o diya cayoron mas cohetes en tocar a muga, con o resultau de tres muertos y una setentena de ferius. O miercols a l’atardeixer, Israel heba feito una serie d’ataques en Gaza y heba muerto a una quincena de civils y a o chefe militar d’Hamas.

A escalada de violencia ye tant seriosa que l’exercito israelí ha recibiu o permiso de movilizar 30.000 reservistas. O ministro d’Esfensa, Ehud Barak, ha autorizau ista incorporación ta reforzar a operación que ha empecipiau ista semana en a Francha de Gaza, seguntes informa o diario Ha-Àrets.

Os dirichents internacionals que s’han dirichiu a os gubiernos israelí y palestino son o president francés, François Hollande, o president ruso, Vladímir Putin, o ministro d’Afers Extranchers espanyol. Amás, o secretario cheneral d’as Nacions Unidas ha dito que visitaría Cherusalem y Ramallah a semana entrante ta charrar con totz dos gubiernos.

Fuent: http://www.vilaweb.cat/noticia/4056029/20121116/preocupacio-lescalada-violencia-israel-palestina.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.