Presentación d’o comic en aragonés: “Harry Clever, o detective mas peligarcero d’a ciudat”

Un nuevo libro en aragonés plega en as librerías. Ye un comic basau en o cine negro d'as anyadas 40 y 50, editau por Magorías Acetas y debuixau y escrito por Chema Cebolla

harry cleverO venient chueves 2 de mayo en La Pantera Rossa (C/ Sant Vicent de Paúl, 28, Zaragoza) son o diya y puesto trigaus t’a presentación d’un nuevo comic con un ingredient especial, ye en aragonés. O comic se diz “Harry Clever, o detective mas peligarcero d’a ciudat“, editau por Magorías Acetas, y se presentará a las 20 h. en o citau puesto. A presentación será feita por o periodista Oscar Senar chunto a os autors, Chema Cebolla como guionista y debuixant, y Silvia Cebolla y Roberto Gracia como traductors.

O comic de Harry Clever ya leva mas de 15 anyadas entre nusatros y nusatras, creyau por Chema Cebolla t’a revista 451º, Harry Clever ye un antiheroe, mofla sarcastica d’os detectives privaus d’o cine negro de Hollywood d’as anyadas 40 y 50 d’o sieglo pasau. Harry Clever navega en a suya vida cutiana entre gangsters, carrerons foscos, persecucions d’autos, mullers vistas nomás como obchectos, combates de boxeu, fumo de tabaco, provisto de muitos defectos y pocas virtutz esboldregando os mitos d’as novelas policiacas.

A la fin d’a presentación, se ferá una brenda en o bar vechetariano A Flama, (C/ Mayor, 53) sobre as 21 h.

Una rispuesta a Presentación d’o comic en aragonés: “Harry Clever, o detective mas peligarcero d’a ciudat”

  1. Pingback: Presentación d’o comic en aragonés: “Harry Clever, o detective mas peligarcero d’a ciudat” | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.