Presentación d’o libro ‘Agricultura ecológica en secano’

Joaquín Aibar y José Casanova, investigadors d'a Universidat de Zaragoza, acompanyaus por l'investigador d'o CSIC Carlos Lacasta, explanicarán iste martes as caracteristicas d'sta obra, pionera en contemplar as peculiaridatz d'ista mena de cautivo en secano.

Portalada d'o libro.

Investigadors d’o campus de Uesca d’a Universidat de Zaragoza presentan iste martes, 24 de chinero, o libro Agricultura ecológica en secano. Os professors Joaquín Aibar y José Casanova, coautors d’ista obra que se posa entre as pioneras en contemplar as peculiaridatz d’ista mena de cautivo en zonas ixutas, serán acompanyaus por l’investigador d’o CSIC, y coordinador d’a mesma, Carlos Lacasta.

A presentación d’o libro, que arrocla as alportacións de más de 40 especialistas, y ha estau considerau un d’os más completos sobre agricultura ecolochica d’entre os publicaus en espanyol, será o martes a las 17,30 horas, en a Escuela Politecnica Superior (carrera de Quarte, s/n, Uesca), o centro que imparte as amostranzas agrarias y ambientals d’a Universidat de Zaragoza. L’acto ye organizau por o Postgrau en Protección Vechetal Sostenible que imparte formación, en o campus uescano, sobre agricultura ecolochica y integrada.

O libro, endrezau tanto a tecnicos como a agricultors, y ilustrau por muitos graficos y fotografías, aborda os diferents aspectos que intervienen en o maneo d’os agorsistemas de secano, a partir d’a experiencia de muitos anyos d’investigación, experimentación u practica de muitos anyos d’investigación, experimentación u practica diyaria d’os suyos autors arredol de l’agricultura ecolochica. L’obchectivo ye meter en valor ista mena de producción que, consideran, s’amana a o paradichma d’a sostenibilidat por as tecnicas emplegadas y por estar muito menos dependient d’os combustibles fósils.

Fuent: http://www.unizar.es/actualidad/vernoticia.php?id=6721&idh=2216

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.