Presentau en Zaragoza o libro “El Estudio de Filología de Aragón en la Diputación de Zaragoza (1915-1941)

Presentau en Zaragoza o libro "El Estudio de Filología de Aragón en la Diputación de Zaragoza (1915-1941). Hacia un Centro de Estudios Aragoneses".

Imachen d'a presentación d'o libro en Zaragoza

Imachen d’a presentación d’o libro en Zaragoza

O pasau martes 4 d’aviento, en a magnifica y desconoixida biblioteca d’o Palacio de Sastago d’a capital aragonesa, se celebró a presentación d’o zaguer estudio de María Pilar Benítez: una edición d’a documentación conservada, quasi toda inedita, sobre l’Estudio de Filogía de Aragón, como institución acubillada baixo o patronato d’a Deputación de Zaragoza entre 1915 y 1941.  Iste libro fa o volumne 8-9 d’a “Biblioteca de las Lenguas de Aragón” d’a Sociedat Cultural Aladrada. A escritora y investigadora zaragozana, qui ya heba estudiau a documentación d’ista institución aragonesa en a bastida d’o suyo treballo sobre María Moliner y as primeras estudiosas de l’aragonés y o catalán en Aragón, nos presienta en iste libro a edición de 137 documentos claus ta interpretar iste episodio tant important d’a historia d’Aragón en o sieglo XX y una edición facsimil d’as memorias de l’Estudio de Filología de Aragón. O volumen se completa con un interesantismo estudio introductorio de l’autora.

A documentación abraca trenta y seis anyos, dende o primer escrito de Juan Moneva y Puyol demandando en 1915 refirme economico a o President d’a Deputación de Zaragoza ta creyar un Archivo de Filolochía Aragonesa, dica l’acuerdos d’a Deputación de Zaragoza, que en 1941, decidiba d’entregar a la Universidat de Zaragoza os materials y treballos realizaus por l’Estudio de Filología de Aragón, nomás 13 meses dimpués que Juan Moneva y Puyol hese d’esfender-se debant d’o Tribunal de Responsabilidatz Politicas por as suyas actividatz en a Universidat y en oEstudio de Filología de Aragón. A documentación explica, entre atras muitas intrahistorias, a historia d’o gran prochecto de Moneva, que yera a publicación d’o Diccionario Aragonés, que a la fin no plegó a fer-se realidat, y tamién esclareixe o proceso por o qual l’Estudio de Filogía de Aragón ixampló os suyos ambitos d’estudio succesivament ta la historia, o dreito y a economía, aspirando a convertir-se, dica a Guerra Civil, en un Centro d’Estudios Aragoneses.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.