Primer tongada d’as eleccions francesas, con Hollande como favorito

O president Sarkozy ye por debaixo en a más gran parti d'as enqüestas

François Hollande (Foto: Parti Socialiste)
François Hollande (Foto: Parti Socialiste)

Francia vota hue en a primer tongada d’unas eleccions presidencials a on que l’actual president, Nicolas Sarkozy, prencipia con desventalla respecto a lo principal rival y candidato d’o Partiu Socialista, François Hollande. Si se confirman os pronosticos, Sarkozy será l’onceso dirichent d’a eurozona que deixa o poder dende que prencipió a crisi d’a deuda soberana.

As zaguers enqüestas auguran o pior scenario posible ta Sarkozy, y le dan una redota en a primer tongada, en beneficio de Hollande, a qui os sondeyos conceden una victoria quasi segura.

Encara que as enqüestas apuntan a que os comicios se decidirán entre istos dos candidatos, será clau viyer  o papel final de formacions politicas situadas en os dos cabos de l’espectro politico. A carrera por o tercer puesto ye a preba: la barallan la dirichent d’o partiu de dreitas Front Nacional, Marine Le Pen, y o candidato d’a coalición Partiu de Cuchas, Jean-Luc Mélenchon. L’atro cadidato que cal parar-ne cuenta cara a dar refrimes en a segunda tongada ye o centrista François Bayou.

O futuro de Francia en a UE penderá d’os resultaus d’istos comicios. A tasa de ature ye a más altera d’as zaguers 13 anyadas y o deficit publico equivale a o 90% d’o PIB. Entre que Sarkozy ha abanderau a creyación d’un nuevo tractau europeu ta reforzar a integración fiscal y economica, Hollande ha ganau refirmes con as repetidas criticas contra l’actual pacto fiscal europeu.

Os colechios ubrena las ueito d’o maitín y trancarán a las quatre d’a tardi, fueras d’as prencipals ciudatz de l’estau, a on que no trancarán dica as ueito, momento a on que prencipiarán a dar-se os primers resultaus d’as enqüestas a piet d’urna.

Fuent: http://www.vilaweb.cat/noticia/4004827/20120422/primera-tanda-eleccions-franceses-hollande-favorit.html

Una rispuesta a Primer tongada d’as eleccions francesas, con Hollande como favorito

  1. En
    mi pueblo la palabra tongada significa tanda o vez.
    en Pertusa y en la Redolada.

Responder a Santiago Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.