Primeras protestas en Grecia y Italia contra os nuevos gubiernos

Os gubiernos italián y griego prencipian a programar as retalladas

Os estudiants concaran a la policia en Milán

Os estudiants concaran a la policia en Milán

O primer ministro italián, Mario Monti, con o suyo gubierno recientment formau, ha acudiu hue ta o Senau ta ratificar a o suyo gabinete y aprebar o programa anticrisis. Fueras d’a Liga Norte, totz os partius empararán a Monti, que maitín levará as suyas propuestas a la Camera de Deputaus.

En a carrera, mientres, milars d’estudiants se manifestaban contra as retalladas que o nuevo gubierno habrá d’emprender. En 60 ciudatz italianas han habiu protestas y en puestos como Roma u Milan han habiu bells incidents entre policia y manifestants, que han prebau d’ocupar institucions financieras.

Protestan contra un gubierno de banqueros que entre as suyas midas,ha anunciau hue una reforma de pensions y d’o mercau de triballo. O primer ministro Monti, redolau de tecnocratas, ha achugau por a “credibilidat” como arma ta salir d’a crisi de deuda en que vive Italia.

Y as midas habrán de fer-la quan que antis, canciller alemana, Angela Merkel, ha remerau que Italia contina baixo vichilancia y que Monti debe emprender las reformas immediatament.

Tamién Grecia se manifiesta contra as retalladas

En Grecia, o nuevo gubierno, que negocia con os suyos acreedors a retirada de parti d’a suya deuda, tornan las protestas a la carrera. Hue, cabo d’anyo d’o movimiento estudiantil contra a dictadura militar, i hai convocadas quantas manifestacions, as primeras contra l’executivo de Papadimos.

A policia ha chitau gases contra os manifestants en Atenas y ha cargau contra os asistents a las marchas que se pueden veyer en directo en iste canal de tv en anglés.

Watch live streaming video from stopcarteltvgr at livestream.com

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.