Primers imachens d’a cinta de “O Hobbit”

S'ha feito publico o primer trailer d'a cinta que se prochectará en cines ta l'aviento de 2012

Portalada de 'Chill, o Torrero de Ham' de Tolkien (Gara d'Edizions)

Portalada de 'Chill, o Torrero de Ham' de Tolkien (Gara d'Edizions)

Dimpués de muitas difilcultatz y d’asperas muito largas t’os fans de ‘O sinyor d’os anillos’, a la fin bi ha novedatz sobre a cinta de ‘O hobbit’. O primer trailer, de dos minutos y meyo s’ha feito publico y o rete ya bulle de comentarios y opinions. A primer vegada que se podrá viyer a cinta en cines será en aviento de 2012. Tant y mientres os fans habrán d’aconortar-se con istas poquetas imachens.

Dende que prencipió a rodar-se a trilochía de l’anillo, muitas personas asperaban l’adaptación t’o cine de O Hobbit. Manimenos o camín no ye estau guaire facil. Guillermo del Toro deixó d’estar director y prenió o relevo Peter Jackson, qui tenió malotías que rezagaron o rodache. Problemas con os sendicatos de Nueva Zelanda y, como no, de diners, tamién facioron periglar o prochecto.

A la fin, o libro de J.R.R. tolkien se adaptará en dos partis. Iste recenta as aventuras de Bilbo Bolsón, tío de Frodo y, entre atras cosas, de como trobó l’anillo unico.

2 Rispuestas a Primers imachens d’a cinta de “O Hobbit”

  1. A la fin ye traduito entero o libro enta l’aragones?

  2. Me pienso que nunca no rematoron a traduccion os de Gara d’Edizions

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.