Primers movimientos de Rajoy en as cambras espanyolas

Se nombrará a Jesús Posada como president d'o Congreso y a Pío García Escudero como president d'o Senau.

Congreso d'os Diputaus (Foto: Javier Martin Espartosa)

Congreso d'os Diputaus (Foto: Javier Martin Espartosa)

Hue s’ha prencipiau a aclarir bell poquet como será a venient lechislatura cuanto a la distribución de cargos en o Congreso y o Senau espanyols. Rajoy ha anunciau os nombres de qui serán os presidents d’o Congreso y o Senau espanyol.

Jesús Posada, qui estió dos vegadas ministro con José María Aznar como president, y presidió a Chunta de Castiella y Lión, será o president d’a cambra baixa. O portavoz en o congreso d’a Colla Popular será Alfonso Alonso, exalcalde de Vitoria-Gasteiz (Araba).

O Senau será presidido por Pío García Escudero qui sí dentraba en as quinielas que feban expertos y meyos de comunicación. O senador estió portavoz d’o PP en a cambra alta mientres a pasada lechislatura. O portavoz agora será Jose Manuel Barreiro qui estió vicepresident d’a Xunta de Galiza, con Manuel Fraga como president.

Mesas d’as cambras

Maitín se constituyirán as cambras. A suya formación ye estada pactada entre PP y PSOE. En o congreso o PP contará con cinco representants, o PSOE con tres y CiU con uno. En o senau en serán quatre t’o PP, dos t’o PSOE y uno ta CiU. IU ya ha expresau as suyas queixas por no estar-ie present.

Amaiur demanda colla propia

Amaiur ha tornau a demandar poder tener colla parlamentaria propia y a Rajoy que tienga corache ta permitir-les tener-ne. Seguntes o reglamento, habrían de tener un 15% de voto en todas as circunscripcions. Ista condición no se cumple en Navarra a on que tenioron un 14,85 % de votos. Con tot y con ixo, en atras ocasions, o texto s’ha interpretau de traza flexible ta permitir a diferents partius tener colla propia, como prebablement pase con UPyD.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.