Procesaus ueito ex-militars por l’asesinato de Víctor Jara

Trenta y nueu anyadas dimpués un chuez chileno ordena a suya detención

Fuesa de Víctor Jara, en Santiago (Foto: Wikipedia)

Fuesa de Víctor Jara, en Santiago (Foto: Wikipedia)

O Tribunal d’Apelacions de Santiago ha ordenau a detención de ueito ex-oficials de l’exercito chileno por l’asesinato d’o cantautor Víctor Jara, o 16 de setiembre de 1973 en l’estadio de Chile, pocos diyas dimpués d’o golpe d’estau d’Augusto Pinochet. O chuez Miguel Vásquez ha feito detener, trenta y nueu anyadas dimpués a lo coronel Hugo Sánchez Marmonti y a lo tenient Pedri Barrientos Núñez y a seis soldaus más como complices en l’asesinato de Víctor Jara.

 

O chuez diz en a interlocutoria d’o procesamiento d’os ex-militars que o 11 de setiembre de 1973 bellas tropas de l’exercito asedioron a Universidat de l’Estau y bi detenioron miles d’alumnos, docents y personal d’a institución, entre os que i yera Víctor Jara.

Vásquez explica que a más gran parti d’os detenius rematoron en l’estadio de Chile (que en 2003 se rebaltizó como estadio Víctor Jara) y que estioron cusiraus por efectivos de l’exercito. Jara estió torturau y muerto o 16 de setiembre: recibió quaranta y quatre impactos de bala y o suyo cuerpo estió aventau en una carrera de Santiago. A muller de Jara, Juana, reconoixió o calavre en un tanatorio y dimpués d’apedecar-lo fuyió d’o país.

En octobre de 2009, Jara tenió o funeral que no heba puesto tener, t’a on que asistioron miles de personas.

 

Fuent: http://www.vilaweb.cat/noticia/4069596/20121229/processats-vuit-ex-militars-lassassinat-victor-jara.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.