Prochecto Gagarin para un vidio con imachens d’os suyos dos vuelos

Prochecto Gagarin ye realizando un vidio con imachens d'os suyos lanzamientos "Gagarin 1" y "Tereshkova 1"

Una imachen de l'equipo de Prochecto Gagarin.

Una imachen de l’equipo de Prochecto Gagarin.

Dimpués de l’exito d’o suyo zaguer lanzamiento t’a estratosfera aragonesa, Prochecto Gagarin anuncia a paranza d’un vidio con imachens d’aire y tierra d’os dos vuelos realizaus dica agora (os globos sonda Gagarin 1 y Tereshkova 1), asinas como testimonios y explicacions d’os suyos protagonistas, con o titol “Al espacio en dos saltos” (“Ta l’espacio en dos blincos” en aragonés). Por agora y ta ubrir boca, ya que o montache final “puede que tarde”, nos regalan iste chicot abance d’o que será a pieza audiovisual.

O Prochecto Gagarin, que prene o nombre d’o sovietico Yuri Gagarin, o primer cosmonauta d’a historia, ye una iniciativa aero-espacial autochestionada, formada por un grupo de chovens aragoneses. Tal como relata o diario dichital Naiz, en un reportache que les ha dedicau, “a suya iniciativa se suma a atras similars en Europa, que tractan de fer una chestión comunitaria d’o espacio exterior”.

“Hemos habiu de travesar multitut d’obstaclos, uns mas grans que atros, pero sin l’aduya de muita chent no habríanos puesto plegar tant luen”, agradeixen en a suya pachina web. Prochecto Gagarin busca agora a financiación necesaria t’os suyos nuevos retos.

Fuent: http://arainfo.org/2013/12/proyecto-gagarin-prepara-un-video-con-imagenes-de-sus-dos-vuelos/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.