Protestan contra a concertación con centros privaus d’o Bachillerato

CGT, STEA, Marea Verda y MHUEL presentan una carta contra a concertación en etapas no obligatorias de l'amostranza

Concentración en esfensa d'a escuela publica o pasau chulio (Foto: Primo)

Concentración en esfensa d’a escuela publica o pasau chulio (Foto: Primo)

As organizacions CGT, Marea Verda, MHUEL (Movimiento Enta Un Estau Laico) y STEA (Sindicato de Treballadors de l’Amostranza d’Aragón han feito plegar una carta t’a consellera d’Educación, Dolores Serrat, a on que manifiestan o suyo refús a o procedimiento ta l’acceso y esvielle d’os conciertos educativos t’o curso venient.

En a mesma, tamién se i queixan d’a baixada en a partida d’o gasto ta Educación en os presupuestos d’Aragón y considerán que a baixada en o gasto “ha d’estar, a lo menos, proporcional entre as partidas ta l’amostranza publica y t’a concertada, priorizando siempre a primera”.

As suyas demandas las concretan en tres midas: que no s’esvielle garra concierto en etapas no obligatorias d’amostranza t’achiquir gastos, que no s’esviellen conciertos en os centros concertaus que no cumplen con as ratios establidas en a convocatoria y que, fendo un estudio d’as necesidatz educativas,  antis de sacar unidatz en os centros publicos no s’esviellen os conciertos en centros d’ixa mesma redolada u lugar.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.