Protestas en l’enguero oficial d’o curso universitaire

Colectivos estudiantils, de profesors y treballadors d'a universidat s'han concentrau hue en o Paraninfo d'a Universidat de Zaragoza en l'enguero oficial d'o curso en protesta por os retalles

Prencipió tamién calient o curso en a Universidat de Zaragoza iste maitín. Se feba en o Paraninfo d’a Universidat en Zaragoza l’enguero oficial d’o curso academico con todas as autoridatz.

Dende as 11:15 yera convocada una concentración en a puerta de l’edificio universitaire en esfensa d’a educación publica y contra os retalles, convocaus por Marea Verda, Comité de PAS (Personal d’Administración y Servicios) y asambleas universitaires. Unas 200 personas han acudiu a la clamada de ditas organizacions. Se i han desplagau pancartas con lemas como: “Os treballadors d’a universidat, en luita por a esfensa de l’emplego publico”, “Educación publica sí, retalles no”, “Os funcionarios no son culpables d’a crisi”, entre atras. Tamién se i han chilau consignas como “Dolores ascuita somos en luita”, “A educación no se vende, s’esfiende” u chilos en favor d’a vada cheneral.

Serrat, Alcalde y López asperando a Rudi

L’acto prencipiaba a las 12 h., y pasadas las 11:30 han saliu d’o Paraninfo a consellera, Dolores Serrat, o rector d’a universidat, Manuel López y o delegau d’o gubierno espanyol, Gustavo Alcalde. Han acudiu ent’a puerta autoridatz militars y policials a os que os concentraus han chiflau y les han chilau “Fuera armas d’a universidat”. Astí han asperau bells minutos a la presidenta d’Aragón, Luisa F. Rudi con a que han puyau as escaleras que levan aintro de l’edificio entre as personas concentradas, en bell meyo de chiflos y chilos de “Fuera, fuera”. No i ha habiu garra incident.

Plegada de Luisa F. Rudi

Dimpués, os convocants han leyiu o comunicau en o que s’incidiba en a luita contra os retalles, que van contra a calidat en a educación, debiu entre atras cosas a os retalles en personal y recursos y en a cada vegada mayor dificultat d’acceso ta estudeos superiors t’as clases mas desfavoreixidas. Dimpués, a concentración s’ha desconvocau.

Entrada d’as autoridatz entre a concentración

Ista tarde, a las 19:30, o sindicato CGT ha convocau una manifestación dende a Pza. S. Miguel en esfensa de totz os sectors en luita, contra os retalles y en favor d’a vada cheneral, que iste sindicato ha convocau en tot l’estau espanyol t’o diya 31 d’octubre.

3 Rispuestas a Protestas en l’enguero oficial d’o curso universitaire

  1. Pingback: La Universidad también está en lucha | AraInfo | Achencia de Noticias d´Aragón

  2. La verdad que casi extraña ver una bandera aragonesa en Zaragoza. Los aragoneses, lejos de estar hartos del olvido histórico al que le ha sometido España, cada día sacan más y más banderas españolas a los balcones, las cuelgan en los retrovisores de los coches, dejando a la enseña aragonesa próxima al olvido. Asi que animo a todos los que nos sentimos aragonesistas a sacar las banderas de los cajones a los balcones.

  3. Totalmente de acuerdo con “somontanero”, hay que hacer visible el aragonesismo de una vez y quitarnos los complejos que parecen que nos pesan como una losa para hacernos visibles ante la sociedad. Ejemplos como el de los vecinos de Artieda nos deben servir a todos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.