Prou de nyapas en a carretera Entibo d’a Penya-Chaca

Se fación demandas a concellers de Chaca y atros lugars ta que a iniciativa plegue enta o gubierno

ANZANIGO

O sabado día 06-03-15 se fació una trobada en Anzanigo con a enchaquia de l’estau d’a carretera
A-1205 que une l’entibo d’APenya con Chaca por Uruel. A iniciativa estió menada por a cordinadera que treballa bogal por empentar y espardir a necesidat d’amillorar ista carretera de trazas y como cal. Ta iste acto bi acudiemos, alto u baxo, 200 personas, mesmo vecins d’as redoladas que esnavesa ista carretera como concellers d’os Concellos afectaus ( Chaca, Caldearenas y As Penyas de Riglos).

En primeras se charró d’a ya larguiza ringlera de prochectos a l’arreu que a la fín, y por esferéns custions no rematoron guaire bien, apolargando una vegada par d’atra a solución. Asinas que aproveitando a especial sensibilidat d’a clase politica antis de eleccions se adempribión tres puntos antis que escomencipar con atras accions que caldrá fer si a DChA no se embreca en iste problema.

A carretera hue ye plena de foraus y nyapas a rebutir y tecnicamén ya no endura más a mesma traza de acotraciar a rodadura. Mesmo l’ancharia y a sinyalización no cumplen con a lechislación minima por o que a seguridat ye deficién. Isto, chunto a atros problemas d’istas vals, fan que lugars como Botalla, Bernués, Ena, Centenero, Osia, Javierrelatre, Anzánigo, Rasal, A Penya, Yeste, Triste y Santa María se veigan en o marguín d’as comunicacions por carretera.
En ista primera trobada se i fazión tres cosas bien visteras contando con a presencia de concellers de Chaca y atros puestos:
Se lis dio por escrito una moción pa que la presentaran en os suyos Concellos.
Se fació un poder por tener una reunión con l’alcalde de Chaca.
Se instó, ceprenando en isto de recio, a totz as collas y partius politicos a incluyir iste punto en os suyos programas electorals, totz de conchunta.
Se demandó, prou que sí, que istos grupos locals puyaran ista demanda ta os suyos partíus dica plegar a que iste tema se refirme dende a DGA.
Se quedó en dar ferrete a o servicio de carreteras d’a DGA trucando pa preguntar-les ne.
Se creyó una rete de contautos pa estar totz y todas bien informatos.

Agora caldrá asperar que tot isto faiga honra pa amillorar ista A-1205 con alufras de que siga un bien pa istas repolidas vals respetando, de vez, o paisache ecolochico que s’estendilla dende a val de Triste dica Chaca. Parar-ne cuenta…..asperemos tener solucions antis que no nos pensamos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.