PSOE, PP y PAR refusan declarar a Aragón libre de transchenicos en as Cinco Villas

CHA, ha calificado el voto del PSOE, PAR y PP “de irresponsable, al rechazar esta enmienda, aún más cuando el Gobierno de Aragón ha admitido que en Cinco Villas se han realizado ensayos con el nuevo maíz transgénico Nk603”

 

Panizo transchenico (Foto: Arainfo)

Panizo transchenico (Foto: Arainfo)

Os votos de PSOE, PP y PAR s’han uniu en a comarca d’as Cinco Villas ta refusar a moción presentada por CHA a on que se demandaba que se declarase a Aragón “libre de cultivos transchenicos”. Alberto Celma, portavoz d’a colla comarcal d’iste partiu ha calificau a suya posición de “irresponsable, más que más quan o gubierno d’Aragón ha admitiu que en Conco Villas y en atras redoladas d’Aragón se son fendo prebatinas con o nuevo panizo transchenico Nk603”.

Celma ha advertiu “d’o periglo que ye t’a salut publica o cultivo y consumo de panizo transchenico. En Francia, seguntes cualques estudios, s’afirma que animals alimentaus con NK630 desembolican cances, entre que Espanya produz o 80% d’os transchenicos d’a Unión Europea, estando Aragón a primer Comunidat productora en l’Estau”. Cuanto a isto ha sinyalau “no entender o posicionamiento en a comarca de PSOE, PP y PAr, quan d’o qeu se ye charrando ye de salut y de prograso. Francia, Alemanya y Italia s’han declarau libres de transhenicos y comunidatz autonomas como País Vasco, Canarias u Balears tamién lo han feito. En Aragón no sé a qué asperamos”.

En a moción, a colla comarcal de CHA en Cinco Villas plateyaba, antimás de declarar a Aragón libre de cultivos transchenicos, “viedar qualsiquier mena de prebatina con istos cultivos en Exeya y en as diferents redoladas aragonesas, por o periglo que suposa t’a salut publica os cultivos transchenicos, debiu a la suya alta toxicidat”.

Celma remera tamién que a interpresa MONSANTO ha feito prebatinas con o nuevo panizo transchenico NK603 en bellas parcelas d’Exeya, seguntes ha reconoixiu o Conseller d’Agricultura, Ganadería y Meyo Ambien d’o Gubierno d’Aragón, Modesto Lobón, debant d’una pregunta feita por Joaquín Palacón, diputau de CHA en Cortes, sobre a realización d’ensayos de liberación de panizo con NK603 en as redoladas aragonesas.

En a moción tamién se i demandaba a elaboración d’una normativa especifica aragonesa – en o plazo maximo de seis meses- que regule a sembra, producción, coexistencia, contaminación, transformación, comercialización y etiquetau de productos agricolas modificaus cheneticament, dica que Aragón estase declarau territorio libre de cultivos transchenicos, ya que, seguntes ha explicau Celma, “existe una incompatibilidat entre as produccions ecolochicas y transchenicas, ya que dende 2002, a primer ha pasau de contar con más d’o 10 % d’a superficie cultivable a tasament un 4%, entre qeu a superficie cultivada con transchenicos s’ha multiplicau por diez”.

Asinas mesmo, Miguel Martínez Tomey, representatn de CHA en o Consello Europeu, ha presentau una iniciativa ta viedar os cultivos transchenicos en Aragón, ya que a contaminación chenetica puet estar acotolando a producción ecolochica y a Comisión Europa habrá de decidir si apuesta por a calidat ecolochica u por a cantidat d’a transchenica en a producción agraria.


Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.