PSOE y PAR forachitan l’alcalde de La Fraixneda

Javier Adell d'o PSOE será o nuevo alcalde d'o lugar

Dimpués de 16 anyos d’alcalde, Antonio Algueró, d’o PP, deixó ahiere o cargo en función d’una moción de censura a ixena entre PSOE y PAR. As collas politicas d’a moción creyen que l’equipe de gubierno no chestionaba o concello, feba inversions no rentables y no daba información a os vecins y a os miembros d’o concello. Algueró por a suya parti creye que son custions presonals as que han levau a ista decisión.

O nuevo alcalde, o socialista Javier Adell, estió refirmau por Antonio Arrufat, mientres que l’anterior alcalde yera alcompanyau por Miguel Navarro. Garra miembro d’o PAR fueras d’os miembros locals estió en o pleno d’a moción. Cal remerar que t’as eleccions espanyols PAR y PP van chuntos en una mesma candidatura, cosa que tamién emplegó Antonio Algueró ta creticar ista moción de censura que a o suyo chudicio “trenca l’alcuerdo de coalición”.

Amás d’a moción de censura, a polemica venió tamién por a luenga. O nuevo alcalde charró en catalán, mientres que bells vecins prebaron de fer-lo callar y mesmo deciban que yera de mala educación charrar catalán, seguntes informa BajoAragónDigital y se veye en o video.

3 Rispuestas a PSOE y PAR forachitan l’alcalde de La Fraixneda

  1. ye pa eslucernar iste video, mama mia. Ye triste vier como pueden ixas personas arrocegar tanto prechuicio y odio.

  2. Perdoneu per no parlar aragonés. És realment una llàstima que justament els territoris on més es parle el català/valencià com és la franja aragonesa encara es mantinga tant d’odi, fomentat pel franquisme, cap a la seua pròpia llengua, degradant-se a dir-li “xapurriau” (no parlen una llengua, xarren una cosa mal feta). Al País Valencià poc a poc anem fent-lo desaparéixer i espere que també passe a l’Aragó amb les vostres dos llengües pròpies. Per cert, si no volen dir-li català que li diguen valencià XD Salutacions del sud valencià.

  3. Con todo lo que nos une, ¿para qué discutir por lo poco que nos separa?.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.