Publican en Internet os fundos d’a fototeca d’o Patrimonio Historico

Entre as fotos bi ha muitas fotos d'o patrimonio aragonés y a suya historia

O Ministerio espanyol de Cultura permite l’acceso, a traviés d’o suyo Web, a la Fototeca d’o Patrimonio Historico, un d’os conchuntos fotograficos mas completos t’o estudeo y a documentación d’o Patrimonio Historico de l’estau. O fundo lo fan 400.000 documentos fotograficos,  dende os prencipies d’a fotografía, en a segunda metat d’o sieglo XIX, dica la fin d’o sieglo pasau.

En total, ya se pueden veyer mas de 70.000 imachens, y o numero irá creixendo progresivament con a dichitalización d’os fundos d’ista colección. Totas as imachens dichitalizadas son d’alta calidat y son asociadas a datos basicos, como localización, autoría d’o documento fotografico, o suyo puesto de producción, etc.

A Fototeca d’o Patrimonio Historico estió creyada en l’anyo 1990 con a finalidat de conservar y difundir documentación fotografica sobre elementos d’o patrimonio cultural. Contiene importants archivos fotograficos, como os archivos Arbaiza, Culliré, Conde de Polentinos, Loty, Moreno, Pando, Ruiz Vernacci u Wunderlich.

A creyación d’iste micrositio, de conchunta con una intensa labor de catalogación y dichitalización d’o fundo fotografico desembolicada entre os zaguers anyos, premitirá a l’Instituto d’o Patrimonio Cultural d’Espanya espardir a conoixencia d’a colección, asinas como guarenciar a suya preservación.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.