Puya l’IVA

O tipo cheneral puya d'o 18% t'o 21%

A mas gran parti d'os productos puyarán o suyo pre

A mas gran parti d’os productos puyarán o suyo pre

Iste sabado ye o primer diya que se podrá notar a puyada de l’IVA. A mida, anunciada por o gubierno espanyol fa semanas, prencipia a tener efecto hue con una puyada de pres en tots os productos y servicios que consumimos totz os diyas.O tipo cheneral puyará dende o 18% dica o 21%. O achiquiu puyará d’o 8% dica o 10% y o unico que continará igual será o superachiquiu, remanindo en un quatre por cient. Os calculos feitos por a OCU (Organización de Consumidors y Usuarios) cifran en más de 400 euros anyals de gasto por familia lo qeu suposará ista puyada de l’IVA.

Bellas cosas, antimás, cambian o suyo tipo. Asinas, as peluquerías pasan d’o 8% t’o 21%,  o material escolar d’o 4% t’o 21% u o cine d’o 8% t’o 18%.

Contino se listan bells d’os cambios que más notaremos:

Productos y servicios que pasan d’o 8% t’o 21%:

– Dentradas de cine, teyatro y atras manifestacions culturals.

– Servicios funerarios.

– Estetica y peluquería.

– Bells productos d’hichiene.

– Servicios mixtos d’hostelería y discotecas.

– Servicios de radiodifusión

– Dentistas y fisioterapeutas.

Productos y servicios que puyan d’o 18% t’o 21%

– Electrodomesticos.

– Bencina y atros carburants

– Ropa y calcero.

– Alcohol y tabaco.

– Luz, gas, telefono, internet.

– Discos, CD, DVD y Blue – Ray.

Productos y servicios que puyan d’o 8% t’o 10%

– A más gran parti d’a virolla.

– Antiparras graduadas y lentes de contacto.

– Material sanitario.

– Mercar una casa.

– Transporte de viachers.

– Dentradas a museus.

– Suplementos dieteticos

– Compresas, tampons y protectors intimos.

– Augua

Con o 4 % continarán bellas cosas como pan, leit, uegos, fruitas y verduras, libros, depeixas y revistas, medicamentos, coches, viviendas de protección oficial u as protesis t’os minusvalidos.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.