Puyalón de Cuchas critica las zaguers midas en l’amostranza

Os independentistas amuestra a suya preocupación por as zaguers midas presas por a Consellería d'Educación

logoPuyalón de Cuchas ha criticau furament as zaguers midas presas por o gubierno d’Aragón en a demba educativa. Dende iste partiu, consideran que sacar os primers ciclos d’ESO en arrienda escuelas d’o meyo rural aragonés ye “una recentralización d’o meyo rural cuanto a los centros urbanos u capitals comarcals, contrimostrando una cara más d’a chestión de colonialismo interno feita por o Partiu Popular, y que afecta a amplas redoladas d’Aragón”.

“Istas midas fomentan que s’esradiguen as ninas y os ninos dende muito luego y promoven a perda de calidat en l’amostranza ta l’alumnalla en haber d’escolarizar-se en aulas rebutients”, han adhibiu.

T’o suyo portavoz, Txema Royo, “o Partiu Popular preba de concarar a los treballadors de l’amostranza fendo servir una maquiavelica chugada entre capacitacions profesionals ya que no bi habrá más puestos en Amostranza Secundaria con ista mida, sino que s’ixamplarán as ratios d’os institutos que pertoque”.

Puyalón de Cuchas tamién ha quiesto amostrar a suya solidaridat con as familias y lugars afectaus debant d’a “enrestida que consideran que son sufrindo as fillas y fillos d’a clase treballadera aragonesa”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.