Puyalon de Cuchas deixa la Coordinadera Aragón Trilingüe

Os independentistas critican o prochecto de lei de no luengas y tamién a febleza d'a Coordinadera y de CHA

rueda de prensa

Representants de Puyalon

Puyalón de Cuchas ha decidiu deixar de fer parti d’a Coordinadera Aragón Trilingüe. Asinas lo facioron publico iste viernes en un comunicau a on que han explicau os suyos motivos y han declarau que “continarán luitando por conseguir que l’aragonés y o catalán tiengan reconoixida a suya existencia y dignidat y que dreitos d’os suyos fablants como individuos, colectivo lingüistico y parti d’o pueblo aragonés sigan reconoixius y puedan exercer-se librement”.

 

Fendo alcordanza de l’anterior Coordinadera Aragón Trilingüe, Chuse Ramón Barrios, un d’os portavoces d’a organización, ha sinyalau que dimpués de prencipiar a fer-se a lei de luengas, bells colectivos d’ixa Coordinadera “creyoron que a lei yera prou” y decidioron d’esfer-la deixando a luita social por una luita más institucional. Tamién ha criticau que a iniciativa en a Coordinadera no la levasen as organizacions culturals, “como s’heba feito fa anyos en a primer Coordinadera” que tenió lo mesmo nombre y que remató en a organización “d’a más gran manifestación que ha teniu a esfensa d’a nuestra luenga”.Barrios ha declarau que o nuevo prochecto de lei de no luengas “ye un prochecto impositivo a on que o PP-PAR esborra os nombres filolochicos d’aragonés y catalán, fendo a risa en tot lo mundo scientifico”  y a on que “no se reconoixen os dreitos d’os fabladors”.Tot isto “a tamás d’as voces d’a UNESCO y d’o Consello Europeu”.

Cuanto a totz istos cambios lechislativos, Puyalón de Cuchas “refusa de tot o prochecto de lei de luengas que preba de fer o gubierno PP-PAR” pero considera que “a lei encara vichent, tot y estando un trango entabant no yera a solución t’os nuestros problemas”. Lorient Jiménez, atro d’os portavoces d’os independentistas, creye que antimás de que a “Coordinadera ye fendo seguidismo d’as politicas de Chunta Aragonesista“, istos quieren tornar ta l’anterior lei de luengas que se queda a meyo camín d’o que habrían d’estar as aspiracions d’o movimiento d’esfensa d’as luengas”.

Preguntaus por o proceso de tramitación d’o prochecto de lei, Puyalón ha denunciau a febleza d’as esmiendas d’os partius que’n yeran en contra. Cuanto a l’alternativa de lei de luengas presentada por Izquierda Unida (IU), se sorprende d’a “suya propuesta de cooficialidat” que viyen con muitos buenos uellos, pero no les fa goi a zonificación que proposan, y piensan que “l’aragonés s’ha de poder fer servir” y “s’ha de poder acceder a los mesmo dreitos lingüisticos ta l’aragonés” en tot Aragón fueras d’a Francha catalanofona. Contimparan o problema que se podría dar con os habius en Navarra a on que bi ha una zonificación parellana a la proposada por IU.

En salir-se d’a Coordinadera, os portavoces d’o partiu independentista han anunciau que levarán “a suya propia iniciativa” y que continarán por o camín de fer servir l’aragonés y o catalán y organizarán “actividatz de conchunta con asociacions culturals y con a población en os meses venients arredol d’as luengas d’Aragón”.

A Coordinadera Aragón Trilingüe renaixió en iste agüerro con a publicación d’un comunicau presentau en Fraga a on que, entre atras organizacions de toda mena, i yera tanto Puyalón como atras organizacions d’a Cucha Independentista aragonesa.

2 Rispuestas a Puyalon de Cuchas deixa la Coordinadera Aragón Trilingüe

  1. No esperes beyer a dos capezudos aragoneses que reconoxen as suyas errors

  2. Gracias es genial sentirse apoyados y visibles desde un medio de comunicación! poquito a poco cada vez os leeremos más, habeis pensado en alguna seccion de arredol en catalán aunque sea algun editorial?? que bonito hubiera sido un artículo el señor montacada 🙁

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.