Puyalón demanda que no s’autorice un acto faixista en Zaragoza

A "Liga Joven" quiere fer un acto iste sabado que tendría connotacions "faixistas, racistas y xenofobas", seguntes o partiu independentista.

Miembros d'a "Liga Joven", forachitaus d'una manifestación d'estudiants (Foto: Arainfo)

Miembros d’a “Liga Joven”, forachitaus d’una manifestación d’estudiants (Foto: Arainfo)

O partiu Puyalón de Cuchas demandó iste miercols de traza formal a la Delegación d’o gubierno espanyol en Aragón, que desautorizase una concentración estudiantil de “Liga Joven”, organo d’o MSR. L’acto, previsto ta iste sabado 20 d’abril en Zaragoza, “coincide con o cabo d’anyo d’o naiximiento de Adolf Hitler”. En un comunicau afirman que “no hemos de tolerar que una organización politica s’acubille en a libertat d’expresión ta espardir o suyo discurso racista, faixista y xenofobo“.

Igualment, han demandau que se adhiban a ista demanda a organizacions politicas, socials y sindicals, “ta que a sociedat aragonesa no s’esté sin fer cosa debant d’istos actos y refuse de tot a puyada d’o faixismo en Aragón”.

En l’escrito presentau t’a Delegación, antimás d’alportar-ie documentos de preba, argumentan que “o pasau 14 de marzo en Madrit, a Liga Joven no podió participar en a manifestación estudiantil debiu a o refús de camín y de conchunta d’os millars de participants que i yeran”. Tamién i charran d’os “alcuerdos feitos entre o MSR y partius como Falange Española, España 2000, Frente Nacional y Plataforma Per Catalunya”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.