Puyalón fa un acto simbolico en esfensa d’Averly

A historica fundición zaragozana ye menazada por a construcción de dos centenars de viviendas

acto Averly“No hemos aprendiu cosa dende l’esboldregue d’a Torre Nueva, u d’a traza que s’amagó, talment ta cutio, lo vico de Sinhaya. Zaragoza contina apostando por a politica d’o ladrillo y a especulación frent a la conservación d’o Patrimonio de toda la ciudat”. Txema Royo, portavoz de Puyalón de Cuchas, ha amostrau o suyo total regús a lo prochecto d’esboldregue d’una parte important d’Averly, que se ferá “con a colaboración impllicita d’as institucions aragonesas, prencipiando por o Gubierno, que habría de encapezar a suya esfensa”.

Royo ha continau sinyalando que “ha habiu d’estar a sociedat civil qui se movilice ta luitar contra lo que pareixe inevitable, un movimiento que tien tot lo nuestro refirme”.

Puyalón fació un acto iste chueves a on que quereba denunciar l‘expolio d’o Patrimonio aragonés “que simboliza la historica fundición zaragozana, d’un gran intrés artistico y cultural”. A formación independentista aragonesa tamién quiere criticas “o cinismo y a hipocresía de qui fan servir as obras d’arte d’as parroquias de l’Aragón Oriental ta endizcar as pantasmas de l’anticatalanismo irracional ta, contino, permitir toda mena de atentaus contra o Patrimonio aragonés en a mesma Zaragoza”.

Debant d’istas actuacions, Puyalón ha reivindicau una politica que se mire por a conservación de tot lo Patrimonio Cultural Aragonés, tanto material como inmaterial, “como una parte irrenunciable d’a nuestra cultura”.

A organización soberanista, que va t’as eleccions europeas aintro d’a coalición Os pueblos deciden, s’ha compromeso a levar t’as institucions comunitarias a esfensa d’o nuestro Patrimonio, “ya siga Averly, os arcos de l’Alchafería u qualsiquier atro bien cultural”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.