Puyan as consultas t’a Camara de Comercio de Zaragoza

En lo que levamos d'anyada a Camara de Comercio ha teniu 600 consultas y 60.000 descargas d'a suya guida on-line.

A situación de crisi y a gran cantidat de personas sin treballo han feito que muitas personas piensen en ubrir o suyo propio negocio u interpresa. A Camara de Comercio y Industria de Zaragoza aduya en istos afers y ha detectau una gran puyada d’as consultas en ista anyada. Os emprendedors quieren estar bien informaus y seguros antis d’ubrir a interpresa,

A más gran parti d’as consultas son ta ubrir chicotz negocios que no les calgan guaires diners, ya que en muitos casos se capitaliza o paro ta poder encetar l’actividat. Entre os negocios que más chent s’intresa, i son os de bars y restaurants, peluquerías u fruiterías.

Ta resolver as dubdas, en a web d’a Camara de Comercio bi ha guidas de baldes. En istos meses, a demanda s’ha duplicau con más de 60.000 descargas. Istas guidas aduyan mas que mas con os tramites legals ta poder fer a interpresa, leis que s’aplican a cada negocio, requisitos de acondicionamiento d’o local u formación especifica que les cal a los treballadors.

Antimñas, a Camara de Comercio ye fendo unos tallers clamaus “Emprende paso a paso” t aorientar a los emprendedors y aduyar-les en qüestions como tramites, normativas u nuevas tecnolochías. Se i han apuntau arrienda personas, habendo-ie ya listas d’aspera.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.