Qualques bloggers recorren Aragón en silla de ruedas ta prebar a suya accesibilidat

O viache rematará o 11 de mayo, dimpués d'haber visitau beluns d'os puestos más sinyalers d'Aragón

Foto: D.Ch.A.

Foto: D.Ch.A.

Qualques bloggers son recorrendo Aragón en silla de ruedas ta fer conoixer a los turistas discapacitaus as posibilidatz que les ufreixe Aragón como detín y meter o país en un puesto preferent aintro d’o Turismo Accesible.

A Dirección Cheneral de Turismo d’o Gubierno d’Aragón ha organizau un viache ta fer-se a lo Turismo d’Accesibilidat con l’aduya d’o blogger zaragozano, Miguel Nonay (Viajeros Sin Límite).

A experiencia, ubierta tamién a personas sin discapacidat, se fa entre os diyas 6 y 11 de mayo. I ye prevista la visita ta puestos como a Sierra de Guara y Alquezra, espacios sinyalers d’a provincia de Zaragoza, u t’a ciudat de Teruel. Tot ixo, complementau con actividatz como parapente ta discapacitaus en Castilló de Sos, visitas a industrias de l’aceite o ixucader de pernils y atras actividatz gastronomicas.

Os bloggers que acompanyan a Miguel Nonay son Roberto Poza y Maribel Navascues, d’o blog El Guisante Verde Project; Pruden Rodríguez y Lupe Manzano, d’o blog Los Apuntes del Viajero; Xabier Allué, de El Cocinero Fiel y José Ramón Pérez, de Viajablog.

D’atra man, a Dirección Cheneral de Turismo ye treballando en un Mapa de Recursos d’Accesibilidat Turistica, t’adaptar o mayor numer posible d’infraestructuras turisticas a las personas con discapacidat de traza que se pueda ufrir una gran variedat de recursos turisticos ta ista mena de clients.

En Europa bi ha más de 40 millons de personas con discapacidat. Seguntes, os datos de l’INE, Aragón tien una tasa de 9,19% de habitants con discapacidat, estando a meya de l’estau d’un 8.97%.

Ista mena de turistas no gosan de viachar solos: ye un turismo con mayor consumo y ocupación, con un gasto medio por personas de 82 euros /diya, y tienden a la fidelización quan troban puestos, destins, hotels u restaurants adaptaus.

 

Fuent: http://www.cronicadearagon.es/wordpress/?p=49404

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.