Quaranta organizacions demandan a dimisión de Gustavo Alcalde por “permisividat con os faixistas”

Viyen favoritismo en as razons ta legalizar unas manifestacions y reprimir u cambiar recorrius d'atras.

Manifestación antifaixista en 2012 (Foto: Arainfo)

Manifestación antifaixista en 2012 (Foto: Arainfo)

Buena cosa d’organizacions, arroclaus en a Plataforma Zaragoza Antifaixista, presentarán iste viernes un escrito en a Delegación d’o Gubierno espanyol a on que exichen a dimisión de Gustavo Alcalde por a suya «contina autorización d’actos y manifestacions d’extrema dreita». En a demanda, sinyada por arredol de quaranta organizacions politicas, sindicals, vecinals y socials, i cuaternan una serie d’accions faixistas feitas en Zaragoza en lo que levamos d’anyada. Entre ellas, destacan dos concentracions y una manifestación legalizadas, «a tamás de que d’antis de que se fesen s’heba avisau d’a exhición de sinyals preconstitucionals y antidemocraticos».

As organizacions firmants acusan a Gustavo Alcalde de «favoritismo y permisividat» ya que, como dicen en l’escrito, no entienden porque «se reprimen convocatorias en contra d’os esfuizamientos, a favor d’a escuela publica, y mesmo se cambean os recorrius d’as manifestacions suyas, y no s’actua d’a mesma traza contra qui amuestran celticas u esvasticas por a carrera Alfonso u a Plaza d’o Pilar. Sin dubda o tracto ye diferent y de favor».

L’escrito remata con a demanda d’un «cambio d’actitut de Delegación d’o Gubierno espanyol entre actos y manifestacions tan grieus y preocupacions que pasa inevitablement por a suya dimisión«. L’escrito se presentará iste viernes a las 11:30 con a presencia d’os colectivos que i sinyan.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.