Quatre sacanieus más en a provincia de Teruel

En total, funcionarán 38 sacanieus y once aspersors de salmuera

A sozdelegada d’o gubierno espanyol ta Teruel, Mª Victoria Álvarez, presidió a reunión de coordinación d’o plan de vialidat d’hibierno. Tamién i estioron representants de lo gubierno aragonés, a diputación provincial de Teruel y representants d’os concellos y as redoladas que más asoben i caye nieu.

En dita reunión anunció que ista anyada bi habrá un total de 38 sacanieus, quatre más que no l’anyada pasada, y once aspersors de salmuera en a A-23, con uno nuevo en a tuca d’o puerto de San Just. Tamién remeró que nomás 800  d’os 3.000 kilometros de carreteras d’a provincia son de l’estau, encara que creye que cal a coordinación entre as administracions. Seguntes Álvares o dispositivo d’hibierno de l’Autovía Mudechar ye “pioner a ran estatal”.

Antiparti d’isto, bi ha arrienda dispositivos encargaus d’inviar información sobre l’orache ta poder estar a la tisba de si nevará. 18 estacions metereolochicas, cinco capsulas meteorolochicas, cinco panels informativos, 77 camaras y GPS en totz os vehiclos.  T’a chestión d’as carreteras son 130 os treballadors qui las cusirarán. 60 d’ells nomas adedicaus a l’operativo d’hibierno.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.