Quatro anyos de garchola ta ‘Alfon’ por o caso d’o 14N

O fallo s'une a unatro previo que 'Alfon' recibió en aviento de 2014 a dotze meses de garchola por resistencia

Alfon Fernández, a la salida d'o chudicio por tenencia d'explosivos en l'Audiencia Provincial de Madrit, o 25 de noviembre de 2014. / E.C. (eldiario.es)

Alfon Fernández, a la salida d’o chudicio por tenencia d’explosivos en l’Audiencia Provincial de Madrit, o 25 de noviembre de 2014. / E.C. (eldiario.es)

L’Audiencia Provincial de Madrit ha condenau a quatro anyos de garchola a Alfonso Fernández Ortega, conoixiu como Alfon, por levar un artefacto explosivo amagau en una mochila o día d’a vada cheneral d’o 14 de noviembre de 2012.

En una sentencia, a la quala tenió acceso Europa Press, os machistraus d’a Sección 30 imposan t’o choven una pena de quatro anyos de garchola por un delito de tenencia de substancias explosivas, delito replegau en l’articlo 568 d’o Codigo Penal. A Fiscalía solicitó en o chudicio una condena de cinco anyos y seis meses de garchola.

Ista sentencia s’une a la quala Alfon recibió o 12 d’aviento pasau a un anyo de prisión por un delito de resistencia en concurso ideyal con un delito de lesions. O chuez, alavez, le absolvió d’o cargo de resistencia a l’autoridat. L’entorno d’Alfonso entendió que haber-le chudgau primero por l’altercau con os policías yera un mal presachio porque aplanaba o camín a la suya dentrada en prisión caso que o segundo proceso rematase con pena de garchola.

Alfonso Pérez s’esfendió aducindo que ni ell ni os suyos acompanyants portiasen garra bolsa y explicó que estioron os policías qui les exhibioron a mochila en l’inte d’a detención.

Fuent: http://www.eldiario.es/sociedad/anos-prision-Alfon_0_343665888.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.