Radio Topo emitirá de raso en aragonés por un diya

A segunda edición de "D'estrela a estrela contará con más de quince horas d'emisión y muitos colaboradors

cartelO 1 d’aviento, Radio Topo 101.8 ferá a suya emisión especial “D’estrela a estrela”. Mientres tot lo diya se ferá una programación de raso en aragonés. Ista ye a segunda edición d’ista iniciativa que naixió l’anyada pasada y que contó con más de 10 horas de programación que se puet ascuitar en o blog de Fendo Orella, programa organizador de l’evento.

En ista edición, a programación se prolargará por más de 15 horas, prencipiando a las ueito d’o maitín con “Sona o revel”, un programa menau por o presentador cutiano de “El Kantamañanas”. Contino i pasarán beluns d’os programas más sinyalers d’ista emisora libre: Fendo Orella, Ciutat Podrida, La Enredadera, El Rocktubernio, Hijos del Agobio, Rueda Libre, El Acratador, el Acorazado Topemkin, …

De traza simbolica, se tornará a fer una emisión de “La cañería” o programa que i feban d’antis mas Ecologistas en Acción y tamién i son convidadas atras radios libres como Radio MAI, Radio La Granja y Radio Chabolo, qui ferán os suyos programas. Como novedat, ista anyada bella parti d’a emisión tamién se ferá en catalán, l’atra luenga d’Aragón. A chornada rematará con una trobada en l’A.VV. Arrebato.
S

Fuent: http://www.youtube.com/embed/Mto5I2ITgmA

Una rispuesta a Radio Topo emitirá de raso en aragonés por un diya

  1. Pingback: Radio Topo emite de raso en aragonés por un diya | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.