Rafael Correa torna a ganar as eleccions en Ecuador

"Ista revolución no l'aturará dengún", diz o president reesleixiu

Rafael Correa, president d'Ecuador (Foto: Wikipedia)

Rafael Correa, president d’Ecuador (Foto: Wikipedia)

O president d’Ecuador, Rafael Correa ha tornau a ganar as eleccions presidencials. Os primers resultaus publicaus apuntan que habría ganau con un 61% de refirme, una avantalla de más de 40 puntos sobre o suyo rival más amanau, o conservadir ex-banquer Guillermo Lasso, que s’habría quedau con o 21% d’os sufrachios. O contundent resultau fa que no calga una segunda tongada, y que os candidatos opositors ya haigan reconoixiu a victoria de Correa.

Economista de 49 anyadas, Correa tien agora por debant quatre anyadas ta enamplar “a revolución ciudadana”. Dende un balcón d’o Palau de Carondelet, en Quito, o president s’ha endrezau ent’a multitut que bi yera: “Muitas gracias por o refirme, no tos feremos burro falso. Ista revolución, no l’atura dengún”.

Correa prencipia pues o tercer mandato, dende que estió esleixiu por primer vegada en 2006.

 

Fuent: http://www.vilaweb.cat/noticia/4085681/20130218/rafael-correa-torna-guanyar-eleccions-lequador.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.