Raikkonen tornará t’a Formula 1

Dimpués d'a suya experiencia en os rallyes, o campion d'o mundo de 2007 torna t'a F1 con Renault.

Kimi Raikkonen (Foto: Marc McArdle)

Kimi Raikkonen (Foto: Marc McArdle)

O mundial de l’anyada venient tendrá, si no cambea cosa, prencipiará con seis campions d’o mundo en os volantes. A Vettel, Hamilton, Button, Shcumacher y Alonso se sumará Kimi Raikkonen, qui anunció a suya tornada t’a Formula 1.

O finlandés prencipió en a F1 en 2001 con Sauber ta pasar dimpués por McLaren y, en 2007, conseguir fer-se con o campionato d’o mundo adugando un Ferrari. Agora torna con l’equipo Lotus Renault, dimpués de confirmar-se que Robert Kubica no podrá empecipiar o mundial de 2012 por os problemas que tien dende un accident que tenió en un rally en Italia.

Seguntes declaracions que fació en una entrevista oficial t’o suyo nuevo equipo, Kimi “nunca no perdió a pasión por competir en a F1” encara que “talment sí por belunas d’as cosas que bi ha arredol”. Kimi diz que “no tornaría si no estase motivau”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.