Rajoy, sobre o rescate: ‘No he preso garra decisión’

Insta a Draghi a especificar primero as midas d'o BCE

O president d’o gubierno espanyol, Mariano Rajoy, ha compareixiu dimpués d’o consello de ministros de hue ta fer balance d’a lechislatura, y ha tornau a evitar estar claro sobre si l’executivo espanyol demandará o rescate europeu, tal como le instó ahiere o president d’o Banco Central Europeu, Mario Draghi.

Rajoy, pues, ha tornau a pilota ta Draghi y ha dito que o gubierno espanyol encara no ha preso garra decisión a lo respective y no decidirá si demanda o rescate dica que o BCE no especifique as midas extraordinarias que preveye aplicar. ‘Feré o que convenga a l’intrés cheneral d’os espanyols’, ha dito.

Rajoy ha destacau que Draghi decise que son inacceptables os diferencials que n’i hai en Europa y que yera disposau a intervenir, cosa que antes no deciba u se i negaba. Tamién ha anunciau que ha mandau una carta a o president d’o Consello europeu, Herman van Rompuy, y a o d’a Comisión europea, José Manuel Durao Barroso, a on urche a la Unión Europea a debatir en octubre y a aprebar en aviento midas como a creyación d’un sistema unico de supervisión, a capitalización directa d’os bancos y que se faiga un desplegue eficient d’os mecanismos de financiación. Tamién bi incluye, ha dito, una proposa suya sobre a unión bancaria y fiscal.

A compareixencia s’ha centrau en a situación economica, a prencipal preocupación de l’executivo. Ha dito que Espanya debe difuera 900.000 millons d’euros: ‘Mientres muito tiempo hemos viviu demandando credito y gastando mas d’o que ingresamos. Hemos viviu masiau d’o credito. Agora fa falta refinanciar-lo, que ye muit dificil, u demandar-lo amprau, con intreses muit altos’, ha explicau.

Ha exposau, dimpués, as cinco linias d’actuación en politica economica d’o gubierno: correchir o deficit, fer reformas internas y tamién a o conchunto d’a UE, resolver os problemas de liquidez y financiación d’a economía espanyola, y treballar por o futuro d’a zona euro.

Ha insistiu en esfender, ta salir d’a crisi, a necesidat d’a politica de retalles y de reformas que o gubierno espanyol ya ha prencipiau istos zaguers meses.

Fuent: http://www.vilaweb.cat/noticia/4032601/20120803/rajoy-rescat-he-pres-cap-decisio.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.