Rajoy, trigau president por o Congreso espanyol

Rajoy ha obteniu 187 votos a favor, 149 en contra y 14 abstencions.

O candidato d’o Partiu Popular, Mariano Rajoy, ha estau trigau como president d’o gubierno espanyol por os diputaus d’o Congreso espanyol. Rajoy ha teniu o refirme d’os diputaus d’o suyo partiu, y os d’UPN y FAC, fendo un total de 187 votos a favor. En contra d’ell han votau 149 diputaus (PSOE, CiU, IU, UPyD, BNG, ICV-EUiA, Cha, ERC, Geroa Bai y Compromís). 14 diputaus, os de PNV, Amaiur, CC y NC, no han feito votación.

Ista tardi o president d’o Congreso, Jesús Posada, comunicará a o Rei d’Espanya a decisión d’o pleno. Maitin, Rajoy sera investiu por o rei Juan Carlos de Borbón y a la tardi ferá publico o suyo primer gabinete de ministros.

O debate d’investidura s’ha feito en dos sesions que se pueden veyer resumidas en iste enrastre.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.