Reconoixencia periodistica a Carles Porta por a investigación d’o crimen de Fago

Ha ganau o III Premio Josep Maria Huertas Claveria de Periodismo Escrito.

Carles Porta (Foto: Edicions La Campana)

O periodista Carles Porta, autor de “Tor. Tretze casas y tres muertos” (La Campana), ha ganau o III Premio Josep Maria Huertas Claveria de Periodismo Escrito por “Fago“, un nuevo libro d’investigación periodistica sobre o crimen que se produció en iste lugar d’o Pirineu en chinero d’o 2007. Amaneixió muerto l’alcalde de Fago y s’acusó a Santiago Mainar, “un ganadero ideyalista que se declaró culpable porque deixasen en paz a os atros vecins”, explica Marisa Mainar, que no s’ha creito nunca que o suyo chirmán sía l’asasino de Fago. O libro saldrá a zaguers de mes en La Campana.

Portalada d'o libro 'Fago', de Carles Porta (Foto: Edicions La Campana)

Porta plegó en iste chicot lugar de trenta habitadors ta fer una cronica sobre o crimen encargada por o diario El Mundo. O lugar yera pleno de periodistas, pero solament ell se quedó a adormir y se i pasó quatro días. O periodista s’instaló en Casa Antoniales, que rechentaba Santiago Mainar, con o qual tenió largas conversas.

Fuent: http://www.vilaweb.cat/noticia/3993429/20120309/reconeixement-periodistic-carles-porta-recerca-crim-fago.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.