Recullida de fundos ta una placa nueva en o Puerto Viello de Bielsa

L'Asociación A Bolsa de Bielsa mira de recolectar 450€ ta colocar una nueva placa dimpués de que l'anterior estase estricallada o pasau mes d'agosto.

 

Imachen d'a placa danyada. (Foto: Sobrarbenses)

Imachen d’a placa danyada. (Foto: Asociación A Bolsa de Bielsa)

Mientras a primera semana d’agosto apareixió estricallada a placa dedicada a la población civil que habio de fuyir enta Francia por iste puerto de montanya mientras a Guerra Civil y a la 43º división republicana en o Puerto Viello de Bielsa.

Dende l’Asociación A Bolsa de Bielsa s’ha prencipiau ya o treballo ta reposición d’a placa, que se fabricará en fundición de latón maciza y de midas parellanas a la placa anterior. L’Asociación fa un clamamiento popular ta bosar os gastos que conleva (450 euros) y informan de que venden participacións d’o numero 02.843 (terminación en honor a la 43º división) a pre de 5 €, d’os quals 4,20 € se chugan y a resta (0,80 €) van destinaus a pagar a placa. As participacións se pueden adquirir a traviés d’o correyo electronico asoc.la.bolsa@gmail.com.

D’atra man, tamién se pueden fer donacións directas a traviés d’a cuenta ASOCIACIÓN SOBRARBENSE LA BOLSA – TRIODOS BANK iban: ES79 cuenta: 1491 – 0001 – 2721 – 1230 – 1623

L‘Asociación A Bolsa de Bielsa organizará una chornada ta puyar ta Puerto Viello ta colocar a placa en que siga feita “si l’orache lo permite, antes que no remate l’anyo”.  

Fuent: http://sobrarbenses.es/se-va-a-poner-una-nueva-placa-en-el-puerto-viejo/

Una rispuesta a Recullida de fundos ta una placa nueva en o Puerto Viello de Bielsa

  1. Pingback: Recullida de fundos ta una placa nueva en o Puerto Viello de Bielsa » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.