Recuperau con exito o ‘Gagarin 1’: “ya son disponibles as suyas primeras imachens gravadas”

O prochecto scientifico aragonés estió lanzau t'a estratosfera o sabado y estió un exito. Ya i hai bella imachen disponible, pero caldrá asperar a resta de vidios

gagarin4-300x162Dimpués de largas horas de niervols provocadas por a intensa busca realizada pa la recuperación d’a capsula d’o ‘Gagarin 1‘, ya ye oficial l’exito d’o vuelo estratosferico y d’a recuperación d’a suya capsula y d’o material grafico obteniu entre o vuelo.

En o maitín d’o sabado 13 de chulio de 2013, se produció o lanzamiento d’o ‘Gagarin 1’ en as proximidatz d’a ciudat aragonesa de Borcha, dimpués d’aconseguir bell poquet mas de 25.000 metros d’altitut o ‘Gagarin 1’ prencipió o suyo descenso dica dar con tierra amán d’Exeya d’os Caballers. Estió allora quan Jorge y Pablo -coordinadors d’o prochecto- enchegoron l’operativo de busca que no obtenió resultaus positivos dica entrada a nueit. Os organizadors d’o prochecto anuncian que caldrá asperar un tiempo pa disfrutar de beluns d’os vidios.

Antiparti, ahiere se podió comprebar l’intrés ciudadano que dispiertan ista mena de prochectos y como a suya repercusión en os retz socials ye estando notable. Muitas d’istas personas aprofitoron istos retz socials pa, amás d’alufrar a buena execución d’o prochecto y felicitar por ixo a os organizadors, criticar as politicas neoliberals de retalles en prochectos scientificos y d’investigación.

Fuent: http://arainfo.org/2013/07/recuperado-con-exito-el-gagarin-1-ya-estan-disponibles-sus-primeras-imagenes-grabadas/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.