Refusan l’ature d’o desafucio d’iste viernes en Zaragoza

Stop Desafucios anima a la chent a acudir o viernes a la zaragozana carrera d'Antonio Claret ta evitar o desafucio de Juan Antonia.

Stop Desafucios Zaragoza. (Foto: Arainfo)

Stop Desafucios Zaragoza. (Foto: Arainfo)

Iste luns estió refusada a petición por parte de l’asambleya d’alquiler de Stop Desafucios Zaragoza d’ature d’o desafucio de Juan Antonia, programau ta iste viernes a las 8.00 d’o maitín en a carrera Antonio Claret 4. Agora mesmo a situación ye en mans d’o chuez.

A plataforma confida en l’emparo social y colectivo ta l’ature d’o proceso, por ixo claman a estar dende temprano (8.00 am) ta aconseguir prou presión social, ya que “somos un tot que tiramos enta debant y tiens companyers que t’emparan dezaga”.

Juan Antonia declaraba que “he pagau siempre o loguero” (…) “de febrero tenié un accident y no puedo treballar, m’he quedau sola con o mío fillo de 23 anyos”. Dende Stop Desafucios declaran que “entendemos que os particulars quieran recuperar as viviendas por impago de renta. Ye bella cosa normal”. Pero en iste caso o propietario, seguntes Juan Antonia, “ha feito as cosetas malament, gracias a errors suyas no he puesto cobrar aduyas”. Amás sinyala que i habió “malas contestacions” por a suya parte.

Juan Antonia explica que “a mía situación ye trista, quiero vivir tranquilament, m’ha costau plegar dica aquí y aconseguir o estatus que he aconseguiu” (…) “que me denigren por isto y m’han pisotiau en o chudgau”. Y amostraba a suya sensibilidat con l’actual situación politica que se ye dando en o estau espanyol pensando en as conseqüencias d’a resta de familias, “qué pasa con a chent que tiene ninos?, a mesma sociedat nos convida a fer cosetas que no nos corresponde” (…) “a chusticia ye inchusta y ixo nos obliga a fer cosetas que no queremos fer, as leis son mal feitas, no son feitas t’os d’abaixo”.

L’asambleya d’alquiler de Stop Desafucios ye creixendo. a problematica no son solo que as deudas y as hipotecas que tienen as personas afectadas, sino que aparte, muitos d’os que i plegan no tienen prous recursos ta pagar un teito digno. “As condicions que piden muitas veces (ta las aduyas) tienen masiaus matices y se fa complicau que chent con pocos recursos acceda a ellas mientres son en situación de risque d’exclusión social”, aseveran.

A plataforma en zagueras ha aconseguiu logros como l’ature d’o desafucio d’o 21 de mayo de Marisa y a suya familia, unatro d’Isaac y Elisabeth o pasau 4 chulio, l’ature d’un desafucio en o vico d’a Paz y a paralización de quatro desafucios d’a SAREB en o Bloque d’Asperanza. Muitas veces l’han aturau en a mesma puerta d’a casa. Por ixo animan a estar-ie o viernes, encara que confidan en que no haigan de plegar a la situación limite.

Fuent: http://arainfo.org/2014/09/rechazan-la-paralizacion-del-desahucio-de-este-viernes-en-zaragoza/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.