Regala Zaragoza proposa un romantico “Chocofinde”

Visitas guidadas y tastadas de chicolate ye a ufierta t'o cabo de semana

cartel

Cartel promocional

A campanya de promoción turistica torna con un “chocofinde”, una serie d’actividatz tematicas ta descubrir curiosidatz y anecdotas sobre o cacao y, ufrir asinas un romatico cabo de semana ta qui se descargue de baldes un cupón en www.zaragozaturismo.es. Ista ye a primer edición de Regala Zaragoza en 2013 y presenta avantallas en servicios turisticos, establimientos hostelers y interpresas de ocio y tiempo libre mientres os diyas 15, 16 y 17 de febrero.

L’actividat estrela ye o Chocotour, una visita guidada que recorre os establimientos chicolaters más sinyalers d’a ciudat ta conoixer a suya historia y tastar as diferents texturas: liquido, solido, calient, chelau. Ista visita ye prevista t’o sabado 16 de febrer y con o cupón se fa un 2×1.

Atra d’as propuestas t’o cabo de semana se ferá en o Museu de Zaragoza, a on que s’ha organizau una visita titulada “O chicolate, oro negro”, que reconta o trasfundo social y historico d’iste alimento entre que se presientan piezas historicas relacionadas con a elaboración y consumo d’o chicolate. L’actividat ye de baldes.

Antimás tamién s’ufren atras actividatz de ocio como una visita guidada t’o museu diocesano ta conoixer a figura de Sant Valentín, medico romano qui estió mosén y casaba a los soldaus, a tamás de que, t’a part d’alavez yera viedau. En l’Alfachería,o diya 17,  s’ha programau l’actividat “Historias d’amor en L’alfachería” a on que se descubrirán os romances que bi ha habiu en más de 2000 anyadas.

Descargando o cupón Wizi Zaragoza, o rete municipal d’internet, ufre antimás un servicio de baldes de tres diyas de conexión. L’achenda y os pres de tot se pueden viyer en a web http://www.zaragozaturismo.es

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.