Remata la restauración d’o ‘Peinador d’a reina’

A Deputación Provincial de Zaragoza entregó ahiere o mueble a o Concello d'Olbés.

O Peinador d'a reina antis d'a restauración. (Foto: Comarcas.es)

O servicio de Restauración d’a Deputación Provincial de Zaragoza (DPZ) ha concluiu a recuperación d’o “Peinador d’a reina” d’Olbés, un raro mueble que data de finals d’o sieglo XVIII, que tiene a singularidat d’estar construiu en ámbar y que tradicionalment se feba servir como sagrario t’o monumento de Semana Santa.

O “Peinador d’a reina” estió ubicau en primeras en a ilesia parroquial d’Olbés, que se troba en proceso de restauración. A Deputación Provincial de Zaragoza entregó ahiere o mueble a o Concello d’a localidat. Se tracta d’un chicot mueble tipo cabinet, que presienta dos puertas a l’exterior que, una vez trancadas, fan un arco mixtilíneo, que s’achusta perfectament a una cornisa d’a mesma forma. A base ye componida por dos calaxos separaus por un plinto. A particularidat d’a pieza reside en o material en O qual ye realizada, as placas d’ambar, ya que o mueble, de madera de tilo, amaneixe completament cubierto por placas d’ambar de distintas formas, tons y texturas.

Pareixe que o mueble estió un regalo de l’emperador de Marruecos a o rei Carlos III u a la princesa d’Asturias, Maria Luisa de Parma, y que plegó en Olbés a traviés d’o capellán d’a Capiella Real, Antonio Bautista, natural d’iste lugar zaragozano.

Fuent: http://www.comarcas.es/index.php/mod.noticias/mem.detalle/idnoticia.6708/relcategoria./chk.01c3778f9a1ee691f591808933c01bf2.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.