Remata o diya de vada cheneral con manifestacions masivas

Os ciudadans se manifiestan contra las retalladas y a politica economica y social d'os gubiernos espanyol y aragonés

Pancarta de capecera d'una d'as manifestacíons

Pancarta de capecera d’una d’as manifestacíons

O diya de vada cheneral ha rematau en Aragón con manifestacions masivas por as carreras d’as principals localidatz, en un diya a on que o seguimiento d’a vada ye estau d’un 75%, seguntes os sindicatos y “prou baixo” seguntes os gubiernos aragonés y espanyol.

En Zaragoza a las 18:00 saliba dende a Plaza Reina Sofía una d’as manifestacions convocada por CGT, CNT, SOA, CATA u Intersindical d’Aragón, entre atras organizacions y colectivos, como a Plataforma Stop Desahucios. A manifestación, que ha empliu as carreras d’o Coso y Alfonso ha rematau en una Plaza d’o Pilar a rebutir de chent. Representants d’as organizacions convocants han leyiu bells manifiestos y han celebrau “a solidaridat y dignidat de totz y todas los que se han manifestau hue”. Mientres continaba dentrando chent en a plaza bi ha habiu un conflicto con a policía, en prencipiar a demandar istos as identificacions de bells manifestants y dentrar istos en o Belén que ya ye instalau en a Plaza d’o Pilar. Bells quantos antidisturbios i han remaniu, sin haber-se rechistrau por l’inte más problemas.

Dende a Plaza Paraíso de Zaragoza a las 19:00 saliba atra manifestación convocada por UGT y CC.OO. antimás de partius politicos y atras organizacions. Igual como en l’anterior vada, quan os primers manifestants son plegaus en a Plaza Europa, a on que se leyeba o manifiesto, encara quedaba chent que no heba prencipiau a fer o recorriu. Julián Buey y Julián Lóriz, secretarios de CC.OO. y UGT han clamau a  Rajoy y Rudi a que “ascuiten o refús” d’os ciudadans a las midas que son prenendo.

En Uesca o diya remataba con una manifestación de más 6.000 personas baixo o lema “Nos deixan sin futuro. Bi ha culpables. Bi ha solucions“, que ha rematau en a Plaza Cervantes. En Teruel, dos manifestacions, a de UGT y CC.OO, y una atra convocada por o “Bloque Critico”, han achuntau a miles de personas en una d’as mas grans manifestacions d’os zaguers tiempos en a ciudat. Igual como en a resta d’actos d’a vada, Monzón, Caspe, Alcanyiz u Exeya son beluns de totz os lugars a on que bi ha habiu manifestacions, por un regular prou numerosas.

Anvista d'a Plaza d'o Pilar en plegando a manifestación

Anvista d’a Plaza d’o Pilar en plegando a manifestación

As auxiliars d'infantil manifestando-se

3 Rispuestas a Remata o diya de vada cheneral con manifestacions masivas

  1. Buena cobertura informativa del dia, felecidades!

  2. El único medio donde mencionan la manifestacion alternatica (CGT, CNT, SOA, CATA e Intersindical)
    Gracias!

  3. Aragón debe de crear mas industria en la provincia de Huesca y Teruel, ya que la ciudad de Zaragoza ya es una ciudad ´´crecida´´

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.